"გლოვაა "კარიბჭის" დიდ ოჯახში... სანდრო და ნათია იყვნენ უნიჭიერესი ადამიანები... მათ ორი შვილი დარჩათ..." - რას წერენ გუშინ ავარიისას დაღუპული ცოლ-ქმრის შესახებ - მშობლები

გუშინ ლისის ტბის მიდამოებში მომხდარი ავარიის დროს დაღუპული ერთ-ერთი წყვილი, ცოლ-ქმარი ალექსანდრე ჩხეიძე და ნათია ჯანაძე იყვნენ, რომელთაც ორი შვილი დარჩათ. მათ შესახებ ჟურნალი "კარიბჭე" წერს,

"კარიბჭის" თანამშრომელს, როლანდ (რომილე) ჩხეიძეს გარდაეცვალა შვილი და რძალი - ალექსანდრე ჩხეიძე და ნათია ჯანაძე. ისინი გუშინდელ ავტოავარიას ემსხვერპლნენ.

სანდრო ჩხეიძე წლების წინ თავადაც წერდა ჩვენს ჟურნალში სრულიად გამორჩეულ სტატიებს. სანდრო და ნათია იყვნენ უნიჭიერესი, მიზანდასახული, ძალიან კარგი ადამიანური თვისებების მქონე ახალგაზრდები. მათ 2 პატარა შვილი დარჩათ.

გლოვაა "კარიბჭის" დიდ ოჯახში. სიტყვებს ვერ ვპოულობთ, როგორ ვანუგეშოთ როლანდი და მაკა.

უფალმა განუგეშოთ, ჩვენო უსაყვარლესო ადამიანებო. შეიწყალოს და აცხოვნოს სანდროს და ნათიას სულები. სასუფეველი ჰქონოდეთ.

გთხოვთ, მოიხსენოთ თქვენს ლოცვებში ახალშესვენებულთა სულები".

• გუშინ ლისის ტბის მიმდებარე ტერიტორიაზე, სავარაუდოდ თბილისიდან ლისისკენ მიმავალი ავტომობილი, რომელშიც 6 ადამიანი იჯდა, სიმაღლიდან ხევში გადავარდა და ხუთი ადამიანი დაიღუპა, ხოლო ერთი დაშავებული მამაკაცი კლინიკაშია გადაყვანილი. გარდაცვლილები ახალგაზრდები არიან. ისინი ერთმანეთის მეგობრები იყვნენ. ახალგაზრდებიდან ორი ცოლ-ქმარი იყო.

გაცილების სუფრა უნდა გაეშალათ, ერთმანეთის მეგობრები არიან... - ლისის ტბაზე მომხდარი უმძიმესი ავარიის დეტალები