"7 წელი ერთად და ისევ დარწმუნებული ვარ, რომ შენ ჩემი საუკეთესო გადაწყვეტილება ხარ…" - ჯანეტ ქერდიყოშვილი - მშობლები
"7 წელი ერთად და ისევ დარწმუნებული ვარ, რომ შენ ჩემი საუკეთესო გადაწყვეტილება ხარ…" - ჯანეტ ქერდიყოშვილი
პროდიუსერი და ტელეწამყვანი ნოე სულაბერიძე და მისი მეუღლე - ყოფილი "მის საქართველო" და ტელეწამყვანი ჯანეტ ქერდიყოშვილი უკვე 7 წელია ერთად არიან. ამ თარიღთან დაკავშირებით ჯანეტი წერს:
როგორც ცნობილია, წყვილი მესამე შვილს ელოდება.სქესის გაგების ცერემონიიდან გაირკვა, რომ წყვილი კვლავ გოგონას მოლოდინშია.
ნოესთვის მომავალი პატარა მეხუთე შვილი იქნება. მას პირველი ორი ქორწინებიდან ორი შვილი ჰყავს, ლიზა და ალექსანდრე, ჯანეტთან კი გოგონები - ლილი და ანნა. ვნახოთ, რა სახელს შეურჩევს მესამე პატარას ვარსკვლავური წყვილი.
ფემხძიმე ჯანეტი შესანიშნავად გამოიყურება. ხშირად დებს ფოტოებს ქალიშვილებთან ერთად.
"ახლა რომ ვაანალიზებ ჩემს ცხოვრებას, ვხვდები, რომ აი, რამდენი რაღაც მოხდა ჩემს ცხოვრებაში, ბევრი დასამახსოვრებელი მომენტი მქონდა, კარგი თუ ცუდი, მაგრამ ფასი არაფერს აქვს მას მერე, რაც შევუღლდი და მეყოლა ბავშვები. მთელი ჩემი გააზრებული ცხოვრება ვოცნებობდი, რომ მყოლოდა თბილი, მყუდრო, ქართული ოჯახი, რომელიც დღეს მაქვს და მადლობა ღმერთს, რომ ასეა. ჩემთვის ამას აქვს ყველაზე დიდი მნიშვნელობა. დღეს მე ვარ სავსე და ბედნიერი, რომ მყავს ასეთი მეუღლე და ორი პატარა", - აღნიშნა ჯანეტმა ერთ-ერთ ბოლოდროინდელინტერვიუში.
