"გარდა იმისა, რომ ჩვეულებრივი ტანჯვაა, ჯანმრთელობის არაერთი რისკი შეიძლება შექმნას... ნუ გაიკეთებთ ამ საშინელ ოყნებს, ბევრი რამის გამოა საზიანო" - მაია ბუწაშვილის გაფრთხილება - მშობლები
"გარდა იმისა, რომ ჩვეულებრივი ტანჯვაა, ჯანმრთელობის არაერთი რისკი შეიძლება შექმნას... ნუ გაიკეთებთ ამ საშინელ ოყნებს, ბევრი რამის გამოა საზიანო" - მაია ბუწაშვილის გაფრთხილება
ინფექციონისტი მაია ბუწაშვილი სოციალურ ქსელში მორიგი წერს:
"გუშინ მოვისმინე და კიდევ ერთხელ გავოგნდი, რომ ჩვენს კურორტებზე კვლავაც “ეფექტურად” გამოიყენება ნაწლავების გამორეცხვა (ჰიდროკოლონოთერაპია), ანუ ოყნა, რომლითაც ძალიან დიდი რაოდენობით წყალი ან მინერალური წყალი შეჰყავთ ნაწლავებში (აქ არ იგულისხმება ჩვეულებრივი ოყნა, რომელსაც ყაბზობის დროს იყენებენ).
გარდა იმისა, რომ ჩვეულებრივი ტანჯვაა, ჯანმრთელობის არაერთი რისკი შეიძლება შექმნას (ნაწლავის მიკრობიოტის დარღვევა, ინფექცია, ელექტროლიტების დისბალანსი, ნაწლავის კედლის მექანიკური დაზიანება და ა.შ.). განსაკუთრებით საშიშია ნაწლავის ანთებითი დაავადების მქონე ადამიანებში. და როგორც მათ პრაის ლისტებში ვნახე, ამაში თურმე საკმაოდ სოლიდურ თანხას ახდევინებენ.
...ნუ გაიკეთებთ ამ საშინელ ოყნებს, ბევრი რამის გამოა საზიანო ჯანმრთელობისთვის და არავითარი ტოქსინები და "შლაკები" არ გამოჰყავს".
