ვლადიკავკაზში პედოფილიაში მხილებულ ბავშვთა ფსიქოლოგს 17 წლით პატიმრობა მიუსაჯეს - 49 წლის კაცი სპეციალური საჭიროებების მქონე ბავშვებთან მუშაობდა... - მშობლები

ვლადიკავკაზში, პედოფილიის საქმესთან დაკავშირებით, გაზაფხულზე დააკავეს 49 წლის ნეიროფსიქოლოგი, რომელიც სპეციალური საჭიროებების მქონე ბავშვებთან მუშაობდა. მედიის ცნობით, 5 და 6 წლის ორი ბიჭის დედებმა ფსიქოლოგს უჩივლეს. ერთ-ერთმა ბიჭმა დედას უთხრა, რომ ვიზიტის დროს მამაკაცმა მასზე უცნაური ქმედებები ჩაიდინა და მოითხოვა, რომ ამის შესახებ არ ეთქვა. ფსიქოლოგი დაემუქრა, რომ თუ ვინმე ინციდენტის შესახებ გაიგებდა, ბიჭს ბავშვთა სახლში გაგზავნიდა. კაცს სექსუალური ძალადობის ბრალდება წაუყენეს და მორიგი შოკი დაკითხვის დროს ელოდათ - მან ძალადობის 50-ზე მეტი შემთხვევა აღიარა...

2026 წლის მარტში მან თვითმკვლელობა სცადა წინასწარი დაკავების იზოლატორში, თუმცა სამედიცინო პერსონალმა გადაარჩინა...

მედიის ცნობით, ფსიქოლოგი სპეციალური საჭიროებების მქონე ბავშვებთან მუშაობდა, მათ შორის, დაუნის სინდრომის და აუტიზმის სპექტრის მქონე ბავშვებთან. მან მშობლებს თავიდანვე უთხრა, რომ ბავშვებთან მარტო უნდა დარჩენილიყო და ამტკიცებდა, რომ ეს სესიებს უფრო ეფექტურს გახდიდა...

გუშინწინ მას განაჩენი გამოუტანეს. ვლადიკავკაზის სასამართლომ რეგიონის მკვიდრს 17 წლით თავისუფლების აღკვეთა მიუსაჯა ბავშვზე ძალადობისთვის.

კაცი დამნაშავედ ცნეს რუსეთის სისხლის სამართლის კოდექსის 132-ე მუხლის მე-5 ნაწილით („ძალადობრივი სექსუალური აქტები, ჩადენილი ორი ან მეტი არასრულწლოვნის მიმართ“). იგი სასჯელს მაქსიმალური უსაფრთხოების კოლონიაში მოიხდის. გარდა ამისა, სასამართლომ მას 15 წლით აუკრძალა არასრულწლოვნების განათლების, აღზრდისა და განვითარების სფეროში მუშაობა. მას ასევე დაეკისრება სავალდებულო სამედიცინო ზომები ამბულატორიული დაკვირვებისა და ფსიქიატრის მიერ პატიმრობის ადგილზე მკურნალობის სახით.

სასამართლომ დაადგინა, რომ 2025 წლის აგვისტოდან 2026 წლის იანვრამდე მსჯავრდებულმა საკუთარ კაბინეტში ორი ბიჭი გააუპატიურა...

პედოფილების ამოცნობა ასეთი მარტივი რომ იყოს, ამდენი შემთხვევა არ გვექნებოდა - რა უნდა ასწავლოთ ბავშვებს, რომ სექსუალური ძალადობისგან დაიცვათ

გურიაში არასრულწლოვნის გაუპატიურების ფაქტზე ბიძა დააკავეს

ნატა ვიბლიანის საქმეზე გამოძიება დაიწყო - “ჩვენ არ ვითხოვთ შურისძიებას, ჩვენ ვითხოვთ სამართლიანობას...”