როდის დაიწყება 2026-2027 სასწავლო წელი სკოლებსა და ბაღებში - მშობლები
როდის დაიწყება 2026-2027 სასწავლო წელი სკოლებსა და ბაღებში
სკოლებში 2026-2027 სასწავლო წელი 15 სექტემბერს დაიწყება. ამის შესახებ ინფორმაცია განათლების, მეცნიერებისა და ახალგაზრდობის სამინისტრომ დაგვიდასტურა.
15 სექტემბერს განახლდება სასწავლო პროცესი თბილისის საჯარო საბავშვო ბაგა-ბაღებშიც. როგორც თბილისის საბავშვო ბაგა-ბაღების მართვის სააგენტოში განგვიცხადეს, აღსაზრდელები ბაღებში სწორედ ამ დღიდან დაბრუნდებიან.
შეგახსენებთ, რომ 2026-2027 სასწავლო წლიდან პირველკლასელები სკოლაში ახალი, ერთიანი სასკოლო ფორმით მივლენ. განათლების სამინისტროს ინფორმაციით, სასკოლო ფორმის ეტაპობრივი დანერგვა თავდაპირველად I კლასიდან დაიწყება.
გივი მიქანაძის თქმით, წელს სამ ეტაპად მოხდება ფორმების მოწოდება. 15 სექტემბერს ყველა პირველკლასელი სკოლაში მივა ახალი ქართული ფორმით, რომლის მარცხენა მხარეს საქართველოს სახელმწიფო გერბი იქნება გამოსახული. პირველი სემესტრის განმავლობაში პირველიდან მეექვსე კლასის ჩათვლით ყველა ბავშვი უზრუნველყოფილი იქნება სასკოლო ფორმით.
რა ცვლილებები დახვდებათ ბავშვებსა და პედაგოგებს სკოლებში 2026-2027 სასწავლო წელს, შეგიძლიათ, გაეცნოთ სტატიას Mshoblebi.ge-ზე.
თამარ იაკობაშვილი
