ჭორების მიუხედავად, 56 კეტრინ ზეტა-ჯონსი და 81 წლის მაიკლ დუგლასი კვლავ ერთად არიან - "ჩვენი ბედნიერი ოჯახური საღამო..." - მშობლები
ჭორების მიუხედავად, 56 კეტრინ ზეტა-ჯონსი და 81 წლის მაიკლ დუგლასი კვლავ ერთად არიან - "ჩვენი ბედნიერი ოჯახური საღამო..."
ბოლო პერიოდში არაერთხელ გავრცელდა ჭორი ამ ცნობილი წყვილის ქორწინებაში ბზარის შესახებ. ამბობდნენ, რომ კეტრინს აღარ შეეძლო 81 წლის ქმრის ავადმყოფობაზე და მის საჭიროებებზე დაუსრულებელი ზრუნვა, თუმცა მათ ყველა სკეპტიკოსს დაუმტკიცეს, რომ ამ კავშირმა მართლაც ბევრ გამოცდას გაუძლო.
მაიკლ დუგლასმა ცოტა ხნის წინ ოჯახთან ერთად გადაღებული კადრები გამოაქვეყნა.
ის ხშირად უზიარებს გამომწერებს სოციალურ ქსელში ვიდეო თუ ფოტოკადრებს ოჯახური ცხოვრებიდან და საჯაროდ ულოცავს ხოლმე დაბადების დღეებს შვილებს და საყვარელ მეუღლეს, რომელიც ყოველთვის შესანიშნავ ფორმაშია.
კეტრინ ზეტა-ჯონსმა Harper's BAZAAR-ისთვის ცოტა ხნის წინ მიცემულ ინტერვიუში გაამხილა, თუ როგორ ინარჩუნებს ფორმას 56 წლის ასაკში. თურმე მსახიობი არასდროს ტოვებს საუზმეს, ოჯახთან ერთად სადილობს და კულინარიული სიამოვნებებით ტკბება. მას უყვარს დღის დაწყება, სანამ ყველა დანარჩენს ჯერ კიდევ სძინავს. სიმშვიდეში, სვამს ფინჯან ახლად მოხარშულ ყავას ფრანგული პრესით, შემდეგ ძაღლთან ერთად სეირნობს და მხოლოდ სეირნობის შემდეგ იწყებს საუზმეს. სხვათა შორის, მისი საუზმე სეზონზეა დამოკიდებული. ზამთარში, ეს არის ფაფა ყავისფერი შაქრით, ბანანით და მოცვით. გაზაფხულსა და ზაფხულში მსახიობი უპირატესობას ანიჭებს მსუბუქ, უცხიმო ვანილის იოგურტს გრანოლასთან, მოცვთან და ჟოლოსთან ერთად."როგორც წესი, დილის 8 საათამდე არ ვსაუზმობ. საუზმის სპეციფიკური მოთხოვნებიც მაქვს - ეს ყველაფერი დღის საათებზეა დამოკიდებული."
მსახიობის თქმით, ის დღეში სამჯერ მიირთმევს, შუალედებში წახემსებების გარეშე. მხოლოდ დილის 11 საათზე შოკოლადის ნაჭერთან ერთად ჩაის სვამს, შაბათ-კვირას კი ყველაფრის ნებას აძლევს საკუთარ თავს, რაც გულით სურს.
"ოჯახში კარგ ბრიტანულ შემწვარ კარტოფილს ვამზადებთ; მე კი იმპორტირებულ ბრიტანულ ბეკონს, ძეხვეულს, გამომცხვარ ლობიოს და ომლეტს ვყიდულობ. ჩემი ოჯახის ამერიკული კონტინგენტისთვის - ჩემი ქმრისა და ორი შვილისთვის - კანადური ნეკერჩხლის სიროფით ფრანგულ ტოსტს ვამზადებთ. ყოველ შაბათ-კვირას ფანტასტიკური ოჯახური ბრანჩი გვაქვს".
ლანჩზე კეტრინს უყვარს ქმართან, მაიკლ დუგლასთან და სახლში მყოფ სხვა ადამიანებთან ერთად შეკრება.
"ჩვენ ძალიან გვიყვარს ოჯახური ვახშმები. არ ვიცი, იქნებ ეს ჩემი ევროპული ფესვების გამოა. როდესაც ოჯახის ყველა წევრი, ყველა, ვინც ჩვენს სახლში ცხოვრობს, წყვეტს საქმეებს, ერთად სხდება და სადილობს".
კეტრინს მსუბუქი სადილი ურჩევნია, რომელიც სალათისა და შემწვარი ქათმის, თევზის ან ბადრიჯნისგან შედგება. სადილს ის ყავით ავსებს და კერძს ბრიტანული ნამცხვრის სახეობით ასრულებს.
"მე და მაიკლი, როგორც წესი, რვა საათამდე ვვახშმობთ. ჩვენ არ ვართ გვიანი ვახშმების დიდი მოყვარულები, მაგრამ როდესაც ევროპაში ჩავდივართ, ევროპულ ყოველდღიურ რუტინას ვეგუებით, ამიტომ გვიან ვვახშმობთ, მაგრამ ასევე გვიან ვწვებით და ვიღვიძებთ.
...მიყვარს დესერტები, ნაყინი და, რა თქმა უნდა, დედაჩემის ვაშლის ღვეზელი — ნაყინთან ერთად ძალიან ბედნიერი ქალი ვარ..."
- როგორც აღინიშნა, შარშან ცნობილ წყვილს ოჯახური კრიზისის პერიოდი ჰქონდა და მისი გარემოცვა განქორწინებაზე ალაპარაკდა. ამბობდნენ, რომ მაიკლი, რომელმაც რამდენიმე ავადმყოფობა გადაიტანა, 80 წლის შემდეგ ძირითადად სულ შინ არის, უჭირს დიდხანს დგომა და სიარული. ახლობლების თქმით, კეტრინს ცხოვრების ასეთი წესი აღარ მოსწონდა. სურს კინოში თამაში, ღონისძიებებზე სიარული და ა.შ. მათი შვილებიც უკვე დიდები არიან - დილანი 24 წლისაა, კერისი - 21-ის, და რა ხანია, დამოუკიდებლად ცხოვრობენ.
თუმცა, როგორც ჩანს, წყვილმა დაძლია კრიზისი და კვლავ ერთად არიან.
შეგახსენებთ, წყვილმა "ზოროს ნიღბის" პრემიერაზე გაიცნო ერთმანეთი. 1999 წელს შესთავაზა ცოლობა დუგლასმა და 2000 წელს იქორწინეს.
