მეორად ჩარიცხვაში მონაწილეობის უფლება მხოლოდ იმ აბიტურიენტებს არ აქვთ, რომლებმაც ყველა გამოცდაზე დადგენილი მინიმალური კომპეტენციის ზღვარი გადალახეს. განახლებული ცნობარის მიხედვით, მეორად ჩარიცხვაში მონაწილეობის შესაძლებლობა გარკვეულ შემთხვევაში იმ აბიტურიენტებსაც აქვთ, რომლებმაც ერთიან ეროვნულ გამოცდებზე ბარიერი ვერ გადალახეს.
ეროვნული გამოცდების ცენტრის განახლებულ ცნობარში განმარტებულია, რომ ე.წ. მეორად ჩარიცხვაში მონაწილეობის უფლება აქვს აბიტურიენტს, რომელმაც:
შესაბამისად, თუ აბიტურიენტმა ეროვნული გამოცდებისთვის დადგენილი ბარიერი ვერ გადალახა, ეს ავტომატურად არ ნიშნავს, რომ მას მეორად ჩარიცხვაში მონაწილეობის შესაძლებლობა აღარ აქვს. ასეთ შემთხვევაში, მას შეუძლია პროფესიული საგანმანათლებლო პროგრამების არჩევა, თუ პროფესიული პროგრამებისთვის განსაზღვრული მინიმალური კომპეტენციის ზღვარი დაძლეული აქვს.
ამასთან, ერთმანეთისგან უნდა გაიმიჯნოს ორი შემთხვევა.
მოქმედი წესის მიხედვით, პროფესიულ საგანმანათლებლო პროგრამაზე მოსახვედრად შესაბამის საგანში მიღებული ქულა უნდა აღემატებოდეს ერთიანი ეროვნული გამოცდების ჩატარების დებულებით ამ საგნისთვის დადგენილი მინიმალური კომპეტენციის ზღვრის ნახევარს.
მაგალითად, თუ კონკრეტულ საგანში მინიმალური კომპეტენციის ზღვარი 15 ქულაა, პროფესიულ პროგრამაზე ჩარიცხვისთვის აბიტურიენტს 7,5 ქულაზე მეტი უნდა ჰქონდეს მიღებული.
პროგრამების ასარჩევად აბიტურიენტმა უნდა ეწვიოს სარეგისტრაციო პორტალს online.naec.ge, აირჩიოს ბანერი - „ერთიანი ეროვნული გამოცდები - მეორადი ჩარიცხვა“, გაიაროს ავტორიზაცია პირადი ნომრითა და არსებული პაროლით და შემდეგ მიუთითოს სასურველი საგანმანათლებლო პროგრამები.
ეროვნული გამოცდების ცენტრი აბიტურიენტებს მოუწოდებს, პროგრამების არჩევისას რამდენიმე მნიშვნელოვან საკითხს მიაქციონ ყურადღება:
ვრცლად ე.წ. მეორადი ჩარიცხვებისთვის ვაკანტური ადგილების შესახებ როგორც საბაკალავრო, ისე პროფესიულ საგანმანათლებლო პროგრამებზე, ნახეთ ვრცლად ბმულზე.
თამარ იაკობაშვილი