"უკანასკნელ გზაზე გავაცილეთ ჩვენი დათუნა... ერთი წამითაც არ იფიქროს ვინმემ, რომ შერჩება... ანგელოზ ბავშვს რომ ვიღაც მანიაკი მოგიკლავს, როგორ უნდა გააგრძელო ცხოვრება?" - რას წერს 17 წლის დავით ნარიმანიძის დეიდა - მშობლები

თბილისში, ხუდადოვის ქუჩაზე მოკლული 17 წლის არასრულწლოვანი, დავით ნარიმანიძე უკანასკნელ გზაზე გააცილეს. მისი დეიდა, მაკა მხატვრიშვილი სოციალურ ქსელში წერს:

"მრავალფეროვანი კრიმინალური წარსული ჰქონდაო, წინა დანაშაულზე გირაო გადახდილი არ ჰქონდაო, მთელი თბილისის მაღაზიები გაქურდული ჰქონდაო!!! ეს იყო თავისუფლებაზე და ჩვენი ანგელოზი ბავშვი მოკლა, სრულიად უკონფლიქტო, მხიარული, უთბილესი, ზრდილობიანი დათუნა... სრულიად უცხო მივიდა სადაც იყვნენ, უკითხია, აქ რახდებაო? მერე აუღია ჭიქა ამ მკვლელს, დათოს ფეხზე რაღაც მოხვდა მძიმე, ზაფხულს, და შენ ფეხზე რატო არ ადექი, მე რომ ვდგავარო. ხელი გადახვია და წამო ერთი იქითო, წამებში პროფესიონალი მკვლელივით ჯერ არტერია გადაუჭრა და მერე გულში ჩაარტყა... როგორც არაოფიციალურად მითხრეს, პოლიცია ამბობს, ერთი სული გვქონდა აგვეყვანაო მკვლელი, დიდი ხანი ოცნებობდნენ, მისი სასტიკი ქმედებებიდან გამომდინარე... რატომ არ აიყვანეს ამ წარსულით?? ხომ იქნებოდა ახლა ცოცხალი ბავშვი?? ჯერ შვილის სიკვდილს მტერს არ ვუსურვებ და ანგელოზ ბავშვს რომ ვიღაც მანიაკი მოგიკლავს, როგორ უნდა გააგრძელო ცხოვრება? მკვდარია ჩემი და… რა სიმწარესაც ჩვენ გავდივართ, იმედია, თუ მცირედი სამართალი მაინც არსებობს, თავის თავზე გამოცდის მკვლელი."

თქვენ, ვინც მათი მეგობრები და ოჯახის წევრები ხართ, იაზრებთ, რა დონის საზიზღარი და გულქვა ადამიანები გყავთ ახლობლად?"

• გავრცელებული ცნობით, საზარელი მკვლელობის მიზეზი, სადღეგრძელოს გამო დაწყებული უკმაყოფილება გახდა. როგორც საქმის პროკურორი ქეთი სონიძე აცხადებს, დაკავებული 17 წლის დ.პ. მრავალფეროვანი კრიმინალური ისტორიის მქონე არასრულწლოვანია და ახლაც გირაოს პირობების ქვეშ იმყოფებოდა. დაკავებულს ბრალდება საქართველოს სისხლის სამართლის კოდექსის 109-ე მუხლის „ვ“ ქვეპუნქტით (განზრახ მკვლელობა, ხულიგნური ქვენა გრძნობით) წარედგინა, რაც სასჯელის სახედ და ზომად 20 წლამდე თავისუფლების აღკვეთას ითვალისწინებს.

სადღეგრძელოს დროს ბრალდებულმა შენიშვნა მისცა ნარიმანიძეს, რატომ არ დგებოდა ფეხზე... შემდეგ შესთავაზა მოშორებით გასვლა, სადაც სასიკვდილო ჭრილობები მიაყენა... - პროკურორის და ბრალდებულის ადვოკატის განცხადებები არასრულწლოვნის მკვლელობაზე