შვილზე ფიქრობენ, თუმცა ბრედს ქორწინება აღარ უნდა... - 62 წლის ბრედ პიტი და მისი 33 წლის რჩეული - მშობლები
შვილზე ფიქრობენ, თუმცა ბრედს ქორწინება აღარ უნდა... - 62 წლის ბრედ პიტი 33 წლის რჩეულთან ერთად ფილმის პრემიერაზე გამოჩნდა
ბრედ პიტი და მისი 33 წლის შეყვარებული, ინეს დე რამონი, ფილმ „მხეცის გულის“ პრემიერაზე გამოჩნდნენ. ამ ფილმში 62 წლის მსახიობი მთავარ როლს ასრულებს. ღონისძიება ტენესის ქალაქ ფრანკლინში, FirstBank ამფითეატრში გაიმართა.
პიტი ფოტოგრაფებისთვის კამუფლაჟის კოსტიუმში პოზირებდა, ფილმის სამხედრო თემატიკის შესაფერისად. ინეს დე რამონს ღია ატმისფერი, იატაკამდე დაშვებული გრძელი კაბა ეცვა, ღრმა დეკოლტეთი და მაქმანებით.
ბრედ პიტი და საიუველირო ნაწარმის დიზაინერი ინეს დე რამონი 2022 წლიდან ხვდებიან ერთმანეთს. წყვილთან დაახლოებულმა წყაროებმა არაერთხელ განაცხადეს, რომ ისინი შვილის ყოლას განიხილავენ. თუმცა, ინსაიდერების ცნობით, მსახიობს წარსულში ცუდი გამოცდილების გამო დაქორწინება აღარ სურს.
- 2005 წლიდან 2016 წლამდე პიტი მსახიობ ანჯელინა ჯოლისთან იყო დაქორწინებული. ყოფილ წყვილს სამი აყვანილი შვილი ჰყავს: 25 წლის მედოქსი, 22 წლის პაქსი და 21 წლის ზაჰარა, ასევე ბიოლოგიური შვილები - 21 წლის შაილო და 18 წლის ტყუპები ნოქსი და ვივიენი. 2016 წელს, ორწლიანი ქორწინების შემდეგ, ჯოლიმ განქორწინება მოითხოვა - პიტი ალკოჰოლიზმსა და ოჯახში ძალადობაში დაადანაშაულა. დაახლოებით რვა წლის განმავლობაში ისინი შვილებსა და ქონებაზე მეურვეობას იზიარებდნენ. მსახიობის ყველა შვილმა, პაქსის გარდა, მის გვარზე უარი თქვა.
