ბოლო წლების ყველაზე ძვირადღირებული განქორწინება - რამდენ მილიარდს მიიღებს 71 წლის მილიარდერის 52 წლის მეუღლე? - მშობლები
ბოლო წლების ყველაზე ძვირადღირებული განქორწინება - რამდენ მილიარდს მიიღებს 71 წლის მილიარდერის 52 წლის მეუღლე?
ჩიპ და შენონ უილსონებს ქორწინებამდელი ხელშეკრულება არ აქვთ გაფორმებული. ეს ჩვეულებრივ განქორწინებას ბოლო შვიდი წლის ერთ-ერთ ყველაზე ძვირადღირებულ ოჯახურ დრამად აქცევს.
2026 წლის აპრილში, Lululemon-ის დამფუძნებელმა, ჩიპ უილსონმა, განქორწინება მოითხოვა. ის 71 წლისაა. მისი მეუღლე, შენონი - რომელიც მის ახლო წრეში სამერის სახელით არის ცნობილი - 52 წლისაა. 20 წელზე მეტი ხნის ქორწინების განმავლობაში მათ სამი შვილი შეეძინათ და დააგროვეს ქონება, რომელიც Bloomberg-ის შეფასებით 6.1 მილიარდ დოლარად არის შეფასებული.
საქმის მასალები კონფიდენციალურია და წყვილს, რომელიც ჯერ კიდევ დაქორწინებულია, საჯაროდ ერთი სიტყვაც არ უთქვამს ჯერ.
Lululemon 1998 წელს დაარსდა. ჩიპი 43 წლის იყო, ახალი გაყიდული ჰქონდა თავისი წინა ბიზნესი, სნოუბორდის ტანსაცმლის მწარმოებელი Westbeach, და ფიქრობდა იდეაზე, რომელიც იმ დროს, თუ არა გიჟურად, უცნაურად ნამდვილად ჩანდა - იოგაზე დასწრების მსურველ ქალებს არ სურთ გამოცვლა ვარჯიშის შემდეგ. ეს ნიშნავს, რომ თუ სპორტული ტანსაცმელი საკმარისად მიმზიდველი და კომფორტული იქნება, მისი ტარება მთელი დღის განმავლობაში შეიძლება. ეს მარტივი გაანგარიშება მოგვიანებით ათობით მილიარდი დოლარის ღირებულების „სპორტული შიკის“ ინდუსტრიად გადაიქცა.
ორი წლის შემდეგ კომპანიას შენონი შეუერთდა. ის 22 წლის იყო. ის დიზაინერის ვაკანსიაზე მივიდა და სწრაფად გახდა მთავარი დიზაინერი. მან გამოიგონა ცნობილი Groove Pant ლეგინსები, რომლებმაც ბრენდს ყველაზე დიდი წარმატება მოუტანა. ჩიპმა საჯაროდ არაერთხელ აღიარა მისი წვლილი.
ისინი 2002 წელს დაქორწინდნენ. კაცი 46 წლის იყო, შენონი - 24-ის. კომპანია ჯერ არ კიდევ არ იყო ასეთი წარმატებული და დღევანდელი ფასის მეასედიც არ ღირდა.
ხშირად ჩიპი Lululemon-ის დამფუძნებლად მოიხსენიება. ტექნიკურად, ეს სიმართლეა: მან დაარეგისტრირა კომპანია, მოიზიდა პირველი თანხა და იყო ბრენდის სახე. მაგრამ შენონი თავიდანვე მთავარი დიზაინერი გახლდათ. მოგვიანებით მან დატოვა Lululemon და ჩიპის უფროს ვაჟთან, ჯეი ჯეი ვილსონთან ერთად დააარსა Kit and Ace ბრენდი - იგივე „ტექნიკური ქაშმირი“, სარეცხ მანქანაში გასარეცხი ქაშმირისა და ელასტანის ტანსაცმელი. მას აქვს საკუთარი დიზაინერული კარიერა, საკუთარი სახელი ინდუსტრიაში, საკუთარი გამოცდილება. და მაინც, განქორწინებაზე სტატიებში მას „ცოლად“ მოიხსენიებენ, ჩიპს კი - „მილიარდერად“. მიუხედავად იმისა, რომ მათ ეს ყველაფერი ერთად შექმნეს.
ადამიანების უმეტესობა, ვინც ამ ამბავს პირველად ისმენს, ავტომატურად ვარაუდობს, რომ ჩიპის ქონება Lululemon-ის აქციებშია. სინამდვილეში, Lululemon-ი მისი სიმდიდრის მეექვსედზე ნაკლებს შეადგენს. ჩიპი და მისი შვილობილი კომპანიები კომპანიის დაახლოებით 8.6%-ს ფლობენ - დაახლოებით 1 მილიარდ დოლარს. შენონი დაახლოებით 1%-ს ფლობს. დანარჩენი სხვა აქტივებშია და ისინი გაცილებით მნიშვნელოვანია.
გაცილებით უფრო მნიშვნელოვანი აქტივია ფინური ჰოლდინგური კომპანია Amer Sports-ის დაახლოებით 18%. ეს წილი თითქმის 3 მილიარდ დოლარს შეადგენს - ჩიპის მთელი ქონების თითქმის ნახევარს. და დიახ, Amer Sports Lululemon-ის პირდაპირი კონკურენტია: იგივე ქურთუკები და სპორტული ფეხსაცმელი, იგივე მომხმარებლები. და ეს აქტივი ქორწილის შემდეგ შეიძინეს.
ასევე ფლობენ უძრავ ქონებას, რომელიც გაიყოფა. ვანკუვერში, პოინტ გრეის გზაზე მდებარე სასახლე ოდესღაც ბრიტანეთის კოლუმბიის ყველაზე ძვირადღირებულ სახლად ითვლებოდა. ჩიპმა შემფასებლებს უჩივლა გადასახადის ღირებულების შესამცირებლად და მოიგო - თითქმის 18 მილიონი დოლარი დაზოგა.
და ყველაზე საინტერესო ის არის, რომ ბრიტანეთის კოლუმბიას ჩრდილოეთ ამერიკაში ერთ-ერთი ყველაზე მკაცრი ქორწინების ქონებრივი რეგულაცია აქვს. წესი მარტივია: ქორწინების დროს შეძენილი ყველაფერი თანაბრად იყოფა. ეს არ არის სურვილი, არამედ კანონი. გამონაკლისები არსებობს, მაგრამ ისინი იშვიათია.
ჩიპმა შეიძლება თქვას: ჩემი აქტივების ნაწილი ქორწინებამდე მქონდა. მან Lululemon 1998 წელს დააარსა, მათ ქორწილამდე ოთხი წლით ადრე. ეს ნიშნავს, რომ კომპანიის საწყისი შეფასება არ არის გაზიარებული, ამიტომ მისი გაყოფა საჭირო არ უნდა იყოს. მაგრამ ყველაფერი, რაც კომპანიამ ქორწინების პერიოდიდან გამოიმუშავა, უკვე გათვალისწინებული იქნება. და ის რამდენიმე მილიონიდან ათეულ მილიარდამდე გაიზარდა. Amer Sports-ში კიდევ უფრო სავალალო მდგომარეობაა, ჩიპისთვის: მან მისი შეძენა 2019 წელს დაიწყო, მათი ქორწილიდან ჩვიდმეტი წლის შემდეგ. ოჯახის ადვოკატმა, ჯორჯია ლიმ, პირდაპირ თქვა: ქორწინებამდელი ხელშეკრულება არ არსებობს - მისი ცოლი ნახევარს იღებს.
ახლა კი ყველაზე ცუდი ნაწილი ორივესთვის: Lululemon კრიზისშია. მისი აქციები ეცემა და პროგნოზები მცირდება. წყვილმა განქორწინებაზე განცხადება აპრილში შეიტანა, მაგრამ სასამართლო ქონებას იმ დროის შედეგებით გაყოფს, როდესაც მისი ღირებულება უკვე დაეცა. ყოველი დღის შეფერხება ნიშნავს რამდენიმე მილიონით ნაკლებს „საერთო ღვეზელიდან“. ერთადერთი კარგი ამბავი ის არის, რომ Amer Sports უკეთესად უმკლავდება ბაზარს და შემოსავლების პროგნოზიც კი გაზარდა.
შენონი დიზაინერის ხელფასს იღებდა და არა თანადამფუძნებლის სააქციო ოფციებს. ამიტომ, მისი წილი კომპანიაში ყოველთვის უფრო მცირე იყო. ასე მუშაობს სამყარო, სადაც ქალი დიზაინერი და მამაკაცი დამფუძნებელი ერთსა და იმავე პროექტში არათანაბარ პარტნიორებად ითვლებიან. მაგრამ ის სახლში არ იჯდა. ის მუშაობდა - ქმნიდა პროდუქტს, რომელიც იყიდებოდა. ჩიპთან ერთად მან დააარსა საოჯახო ოფისი, House of Wilson. ეს არ არის ისტორია მილიარდერის შესახებ, რომელიც ცოლს შორდება, რომელიც სახლში რჩება, ბავშვებს ზრდის და საქველმოქმედო ღონისძიებებს ესწრება. ეს არის ისტორია ორ ადამიანზე, რომლებმაც ერთად ააშენეს ერთი და იგივე: კომპანია, ოჯახი, რეპუტაცია, ქონება. უბრალოდ, ერთი მთელი ამ ხნის განმავლობაში „დამფუძნებლად“ იყო მითითებული, ხოლო მეორე - „ცოლად“.
თუ სასამართლო ჩიპის სიმდიდრის ზრდას მათი ქორწინების წლების მიხედვით გაითვალისწინებს და ისე გაყოფს, შეთანხმება დაახლოებით 3 მილიარდი დოლარი იქნება. შედარებისთვის, ისტორიაში ყველაზე ძვირად ღირებული განქორწინება ბილ და მელინდა გეითსებს შორის მოხდა, სადაც 76 მილიარდი დოლარი იყო სასწორზე. მეორე ადგილზე არიან ჯეფ და მაკენზი ბეზოსები, დაახლოებით 38 მილიარდი დოლარით. შემდეგ მოდიან ალეკ და ჯოსლინ უაილდენშტეინები, 1999 წელს 3.8 მილიარდი დოლარით. სწორედ აქ ერთვებიან უილსონები. თუ შენონი თავის 3 მილიარდ დოლარს მიიღებს, ის ისტორიაში ხუთი ქალიდან ერთ-ერთი იქნება, ვინც მილიარდი დოლარის ოდენობის განქორწინების კომპენსაციას მიიღებს. ეს იქნება კანადაში ყველაზე ძვირად ღირებული განქორწინება და ბეზოსების შემდეგ ყველაზე დიდი მსოფლიოში 2019 წლის შემდეგ. რეკორდი არ არის, მაგრამ უმაღლესი ლიგის კია. ზუსტად გეითსებისა და ბეზოსების გვერდით.
