შოკოლადის ფუმფულა ნამცხვარი ღუმელის გარეშე - გაზზე, ტაფაში გამომცხვარი ნოტიო და გემრიელი დესერტი - მშობლები
შოკოლადის ფუმფულა ნამცხვარი ღუმელის გარეშე - გაზზე, ტაფაში გამომცხვარი ნოტიო და გემრიელი დესერტი
ინფლუენსერი კულინარი, ხატია მინდიაშვილი ტაფის ნამცხვარს უზიარებს გამომწერებს. ამ დესერტს მილიონამდე ნახვა აქვს.
"სტუმარი მოდის და ნამცხვარი არ გაქვს? არც ღუმელია საჭირო - ტაფა შემოგვეშველება! პირდაპირ გაზზე გამოვაცხოთ ეს საოცრად ნოტიო, ფაფუკი და გემრიელი ნამცხვარი." - ამბობს ხატია მინდიაშვილი.
ფუმფულა კაკაოს ნამცხვარი
ინგრედიენტები:
- 5 კვერცხი
- 250 გრ შაქარი
- 1 ჩ/კ ვანილი
- 170მლ ზეთი
- 250 მლ მაწონი
- 300 გრ ფქვილი
- 50 გრ კაკაო
- 15 გრ გამაფხვიერებელი ან 1 ჩკ სოდა
- მწიკვი მარილი
- 100 გრ შოკოლადი - სურვილისამებრ
მომზადება: კვერცხი, შაქარი და ვანილი 7-8 წუთი კარგად ათქვიფეთ. დაამატეთ ზეთი და მაწონი და შეურიეთ. ცალკე გაცერით ფქვილი, კაკაო, სოდა და მარილი. მშრალი ინგრედიენტები სველ მასას ნელ-ნელა შეურიეთ, ბოლოს დაამატეთ შოკოლადის ნატეხები. ჩაასხით ცხიმწასმულ ტაფაში და მაქსიმალურად დაბალტემპერატურაზე, გაზზე გამოაცხვეთ, დახლოებით, 30/45 წუთამდე სჭირდება. პირველი 25 წუთი თავზე არ ახადოთ თავსახური, მზაობა ჩხირით შეამოწმეთ. შეგიძ₾იათ დანამოთ და თავზე გამდნარი შკოკოლადი მოასხათ.
