ზურაბ ძიძიგურმა ლიხტენშტეინის პრინცესაზე იქორწინა - ვენაში ჩატარებული ცერემონიის პირველი კადრები და შთაბეჭდილებები - მშობლები
ზურაბ ძიძიგურმა ლიხტენშტეინის პრინცესაზე იქორწინა - ვენაში ჩატარებული ცერემონიის პირველი კადრები და შთაბეჭდილებები
საქართველოს სამეფო ოჯახის წევრის, იოანე ბაგრატიონ-მუხრანბატონის მეუღლე ქრისტინე ბაგრატიონი (ძიძიგური) ახალი ამბის შესახებ წერს - როგორც აღმოჩნდა, მისმა ძმამ, ზურაბ ძიძიგურმა ლიხტენშტეინის პრინცესაზე იქორწინა. ცერემონია ავსტრიაში, ვენაში შედგა.
- მარია-იმაკულატა ლიხტენშტაინელი იმ ევროპული არისტოკრატიული ოჯახის წარმომადგენელია, რომლის ისტორიაც რამდენიმე სამეფო დინასტიას უკავშირდება. მამის მხრიდან იგი ლიხტენშტაინელთა საგვარეულოს ეკუთვნის, დედის მხრიდან კი საფრანგეთის ორლეანელთა სამეფო დინასტიას.
მისი სრული სახელია მარი იმაკულატა ელისაბედ როზა ალდეგუნდა ლიხტენშტაინელი. დაიბადა 1991 წლის 15 დეკემბერს, ვენაში, ავსტრიაში. მამა — პრინცი გუნდაკარ ლიხტენშტაინელი. დედა — პრინცესა მარი ორლეანელი. იგი ხუთშვილიან ოჯახში მეორე შვილია. ჰყავს ორი და და ორი ძმა.
მარია-იმაკულატამ საშუალო განათლება ვენის ფრანგულ ლიცეუმში მიიღო. შემდეგ სწავლა კენტერბერის უნივერსიტეტში გააგრძელა, სადაც საერთაშორისო ურთიერთობებს სწავლობდა. ავსტრიაში დაბრუნების შემდეგ ვენის დიპლომატიურ აკადემიაში ეკონომიკისა და პოლიტიკის მიმართულებით მაგისტრის ხარისხი მიიღო. რამდენიმე ენას ფლობს: გერმანულს; ფრანგულს; ინგლისურს; პორტუგალიურს; ესპანურს; რუსულს.
გარკვეული პერიოდის განმავლობაში მუშაობდა ბიზნესსაკონსულტაციო სფეროში. მანამდე სტაჟირება გაიარა ლიხტენშტაინის წარმომადგენლობაში გაეროში. კენიასა და გაბონში სოციალურ განვითარებასა და გარემოს დაცვასთან დაკავშირებულ პროექტებზე მუშაობდა ფილანთროპიული ფონდის ფარგლებში.
- 2 ოქტომბერს ბაგრატიონთა სამეფო გვარის წარმომადგენლები და ლიხტენშტეინის პრინცესა უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III-მ საპატრიარქო რეზიდენციაში მიიღო.შეხვედრას ესწრებოდნენ: ბატონი იოანე და ქალბატონი ქრისტინე ბაგრატიონ-მუხრანელები, ლიხტენშტეინის პრინცესა მარია-იმაკულატა, ბატონი ზურაბ ძიძიგური და ქალბატონი ლალი ვაშაკიძე.
