ჰოლივუდის ერთ-ერთმა ყველაზე ცნობილმა ფიგურამ, ლეონარდო დიკაპრიომ, 52-ე დაბადების დღე ლოს-ანჯელესში, ბევერლი ჰილზის კერძო რეზიდენციაში, მდიდრული წვეულებით აღნიშნა, რომელიც ვარსკვლავებით მოჭედილ აღლუმში გადაიზარდა. თუმცა, საღამოს ერთადერთი მთავარი თემა ცნობილი სტუმრები არ იყვნენ. წვეულებაზე მინივენით მისული ახალგაზრდა ქალების ჯგუფმაც მიიპყრო სტუმრებისა და ფოტოგრაფების ყურადღება. ბევრმა აღნიშნა, რომ ლეოს წლები ემატება, თუმცა ჩვევები არ ეცვლება.

შაბათს ბევერლი ჰილზში გამართულ ზეიმს ესწრებოდნენ ქალები, რომლებიც მინივენიდან ელეგანტურ და საკმაოდ თამამ სამოსში გამოვიდნენ და წვეულებაზე შევიდნენ. სტუმრებს შორის იყო კორტნი ბერნერი, რომელიც ცნობილია Love Island USA-დან. ბერნერი ღონისძიებას თეთრი, გამჭვირვალე დეტალებით მორთული მინი კაბით დაესწრო.


დიკაპრიოს დაბადების დღის აღნიშვნას ჰოლივუდის მრავალი ცნობილი სახელი დაესწრო. დამსწრეებს შორის იყვნენ მსახიობის ახლო მეგობრები, მათ შორის ტობი მაგუაიერი, ჯონა ჰილი, ქეისი აფლეკი, ედრიენ ბროუდი, ედვარდ ნორტონი.წვეულებაზე ასევე იმყოფებოდნენ ალ პაჩინო, ნურ ალფალა, ლენდონ ბარკერი და ალაბამა ბარკერი, ორლანდო ბლუმი, 50 Cent და კარა დელევინი. ასევე მილიარდერი ჯეფ ბეზოსი ცოლით,კანადის ყოფილი პრემიერ-მინისტრი ჯასტინ ტრუდო და სხვები. თუმცა მათი ფოტოები პაპარაცულია, დახურული წვეულების ოფიციალური კადრები არ გავრცელებულა.











პაპარაცებმა ვერ შეძლეს თავად იუბილარის გადაღება. კამერებისგან თავის არიდების ოსტატმა დიკაპრიომ მთელი საღამო რეზიდენციაში გაატარა და ფოტოგრაფების ლუკმად მხოლოდ სტუმრები დატოვა.