რუსეთში მცხოვრები ქართველი სპორტსმენი, მსახიობი, ფილმებისა და სერიალების, და ასევე რეალური შოუების ვარსკვლავი თორნიკე კვიტატიანი სექტემბერში დაქორწინდა 13 წლით უმცროს ქართველ გოგონაზე, დიანა ქარდავაზე, რომელიც ასევე რუსეთში გაიზარდა და იქ ცხოვრობს. ხელისმოწერის შემდეგ, ქორწილი მოსკოვის მახლობლად, ლაპინო ჰოლში შედგა, 350 სტუმარი ესწრებოდა და ცეკვა და სიმღერა არ აკლდა. ქართულ სტილში გამართულ მდიდრულ ქორწილზე, რომელზეც სოსო პავლიაშვილმა და ასევე წარმოშობით ქართველმა მომღერალმა, ბრენდონ სტოუნმა იმღერეს, ნეფე-პატარძალმა ქართული ცეკვა შეასრულა და ხანჯლების ქვეშაც გაიარა, მედიასა და სოციალურ ქსელში დიდხანს წერდნენ.




ამჯერად კი წყვილმა ჯვარი დაიწერა და ამისთვის საქართველოში ჩამოვიდნენ. მცხეთაში, სვეტიცხოველში გამართული ჯვრისწერის კადრებს თორნიკეს დედა, ლალი ჩემია აქვეყნებს.





ბრალდების პასუხად, 18 ნოემბერს თორნიკემ სოციალურ ქსელში განცხადება გამოაქვეყნა:
„გასაოცარია, რამდენად ადვილად იჯერებენ ადამიანები ყველაფერს, რასაც ინტერნეტში ნახავენ, არსში გარკვევისა და ფაქტების ცოდნის გარეშე. თუ ვინმეს სჯერა, რომ მე ის მამაკაცი ვარ, ვისაც დახმარებისთვის მიმართეს და უარი ვუთხარი, ცდებით. ტელეფონის ნომერი 15 წელია არ შემიცვლია! დასამალი არაფერი მაქვს და არც ვინმესგან გავრბივარ. უბრალოდ, ვიღაცას ჩვენი ქორწილი და ჩემი ბედნიერება არ აძლევს მოსვენებას. ღმერთი ყველაფერს ხედავს!“
ამ განცხადებით თორნიკეს არ უთქვამს, რომ გოგონა მისი შვილი არ არის. თუმცა არც ის უთქვამს, რომ მამობას აღიარებს.