ნინო ნადირაძე დიუშენის დაავადების სამკურნალო მედიკამენტების შემოტანაზე: "ფულის დაზოგვაზე სპეკულაციები სისულელეა... 3 მლნ დოლარი თვეში დღევანდელი საქართველოს ბიუჯეტის მდგომარეობით საერთოდ არ წარმოადგენს პრობლემას" - მშობლები
ნინო ნადირაძე დიუშენის დაავადების სამკურნალო მედიკამენტების შემოტანაზე: "ფულის დაზოგვაზე სპეკულაციები საერთოდ სისულელეა... 3 მლნ დოლარი თვეში დღევანდელი საქართველოს ბიუჯეტის მდგომარეობით საერთოდ არ წარმოადგენს პრობლემას"
დიუშენის კუნთოვანი დისტროფიით დაავადებული ბავშვების მშობლები კვლავ წამალს ითხოვენ. ხელისუფლების მხრიდან მათთვის ჯერ-ჯერობით იმედისმომცემი პასუხი არ ჩანს. სანამ მშობლები დახმარების მოტხოვნით ქუჩაში დგანან, სამედიცინო საზოგადოების წარმომადგენლები თავიანთ პოზიციას გამოთქვამენ მედიკამენტის მიწოდებასა თუ მასთან ასოცირებულ რისკებთან დაკავშირებით. სოციალურ ქსელში თავისი პოზიცია ექიმმა და ტელეწამყვანმა ნინო ნადირაძემ გამოთქვა:
"ბევრს აინტერესებს დიუშენის კუნთოვანი დისტროფიის მკურნალობის საქართველოში უზრუნველყოფასთან დაკავშირებით ჩემი პოზიცია, როგორც "ოცნების პროპაგანდისტის", რაზეც ცალსახა პასუხი მაქვს: არ მეგულება ვინმე, ვისაც არ უნდა, რომ იყოს ჩვენს ქვეყანაში ამისი შესაძლებლობა, ფულის დაზოგვაზე სპეკულაციები, საერთოდ სისულელეა ( სადღაც 3 მლნ დოლარი თვეში დღევანდელი საქართველოს ბიუჯეტის მდგომარეობით საერთოდ არ წარმოადგენს პრობლემას და განსჯის საგანს, მით უმეტეს ამდენი ლანძღვის ატანას) აქ არის პასუხისმგებლობის საკითხი, ვინ აიღებს თავზე ჯერ კიდევ კვლევის ფაზაში არსებული პრეპარატების გართულებასა თუ გვერდით ეფექტებზე და ზოგადად ეფექტურობაზე, ამიტომ მე რომ ვწყვეტდე, დარგის სპეციალისტებისგან შექმნილ ჯგუფს გადავაბარებდი ამ პასუხისმგებლობის თავზე აღებას, რა თქმა უნდა მშობლებთან კოორდინაციაში), და სახელმწიფოს მხოლოდ დაფინანსების ნაწილში ჩავრთავდი. ყველამ უნდა აიღოს თავისი წილი პასუხისმგებლობა ამ ბავშვების სიცოცხლესა და ჯანმრთელობაზე, სახელმწიფომ, ექიმებმა და მშობლებმა," - წერს ნინო ნადირაძე.
