ერთ-ერთი ყველაზე მასშტაბური ინგუშური ქორწილი, რომელსაც 600 სტუმარი და არაერთი ცნობილი სახე დაესწრო - მშობლები
600-კაციანი მდიდრული ინგუშური ქორწილი, რომელზეც ფილიპ კირკოროვმა და გრიგორი ლეპსმა იმღერეს - 20 წლის პატარძალმა ყველა მონუსხა
რისეილ-პლატფორმა Oskelly-ს 35 წლის თანადამფუძნებელმა, ალბერტ ოსკანოვმა, სახელმწიფო დუმის დეპუტატის, ბექხან ბარახოევის 20 წლის ქალიშვილზე, ზულა ბარახოევაზე იქორწინა.
საქორწილო ზეიმი მოსკოვში, "Marriott Imperial Plaza"-ში გაიმართა. ტრადიციისამებრ, მეფე-დედოფალი დღესასწაულს სხვადასხვა დარბაზში აღნიშნავდა. სტუმართა რაოდენობა დაახლოებით 600 ადამიანს შეადგენდა, რომელთა შორის რუსეთის უმდიდრესი ქალი, "Wildberries"-ის დამფუძნებელი, ტატიანა კიმიც იმყოფებოდა. მან ინგუშური ცეკვაც შეასრულა.
ქორწილში ფილიპ კირკოროვმა, გრიგორი ლეპსმა, პოლინა გაგარინამ, ემინ აღალაროვმა, ელმანმა, ელინა დაგაევამ და სხვა ვარსკვლავებმა იმღერეს.
ალბერტ ოსკანოვი ლუქს კლასის ტანსაცმლის, ფეხსაცმლისა და აქსესუარების მეორად გაყიდვებზე (რისეილზე) სპეციალიზებული პლატფორმის, Oskelly-ს თანამფლობელია. ოსკანოვმა კომპანია 2016 წელს, საკუთარ დასთან, ზაირა კელიგოვასთან ერთად დააფუძნა. ამჟამად Oskelly ახლო აღმოსავლეთის ბაზარზე აქტიურად ფართოვდება.
პატარძლის მამა, ბექხან ბარახოევი სახელმწიფო დუმის დეპუტატად პარტია ერთიანი რუსეთიდან 2021 წელს აირჩიეს. მანამდე მას "Russ Outdoor"-ის შვილობილი კომპანიის, "Вера-Олимп"-ის ვიცე-პრეზიდენტის თანამდებობა ეკავა, ეს უკანასკნელი კი, თავის მხრივ, გაერთიანებულ კომპანია "РВБ"-ს ეკუთვნის, რომელიც "Russ"-ისა და "Wildberries"-ის შერწყმის შედეგად ჩამოყალიბდა. აღსანიშნავია, რომ წყვილის ოჯახი ინგუშეთიდანაა და ქორწილი ტრადიციების ყველა დაცვით გაიმართა.
