მეფე ჩარლზის დისშვილმა, პრიცესა ანას ვაჟმა ექთანზე იქორწინა - სამეფო ოჯახის ახალი კონკია და ფოტოები "წლის ყველაზე ლამაზი" ქორწილიდან - მშობლები
მეფე ჩარლზის დისშვილმა ექთანზე იქორწინა - სამეფო ოჯახის ახალი კონკია და ფოტოები "წლის ყველაზე ლამაზი" ქორწილიდან
ბრიტანეთის მეფის 48 წლის ძმისშვილის ქორწილი ნამდვილ მოვლენად იქცა. ჯერ ერთი, ის მეორედ დაქორწინდა და ამ ქორწილით პიტერ ფილიპსი გახდა დედოფალ ელისაბედ II-ის რვა შვილიშვილიდან პირველი, ვინც განქორწინების შემდეგ ხელახლა იქორწინა. გარდა ამისა, პატარძალი კიდევ ერთი "კონკია" აღმოჩნდა - პრინცესა ანას ვაჟის და მეფე ჩარლზ III-ის ძმისშვილის მეუღლე 45 წლის მედდაა, ეროვნული ჯანდაცვის სამსახურის პედიატრიულის ექთანი ჰარიეტ სპურლინგი.
ქორწილი გლოსტერშირის სოფელ კემბლის ისტორიულ ეკლესიაში გაიმართა. ახლო მეგობრებისა და ოჯახის წევრებისთვის კერძო მიღება პრინცესა ანას კერძო სამკვიდროში, გატკომბ პარკში გაიმართა.
საქორწილო კაბა ემილია ვიკსტედმა შექმნა. მე-19 საუკუნის სტილის კაბა სპილოს ძვლისფერი იტალიური კრეპისგან იყო დამზადებული. მთავარი აქცენტი მაღალი, დახურული საყელო, გამჭვირვალე დეკოლტე და გრძელი სახელოები იყო, ყველაფერი - საუკეთესო მაქმანით. დიზაინი ველური ყვავილებისა და პრერიის მოტივებს აერთიანებდა.
თანამედროვე ტრადიციისგან განსხვავებით, სადაც პატარძლები მეორე ქორწილში დიადემას არ ატარებენ (როგორც დედოფალ კამილას ან პრინცესა ანას შემთხვევაში), ჰარიეტი სამეფო კარზე Pragnell-ის ბრწყინვალე ბრილიანტის დიადემით მივიდა. ეს ვინტაჟური ედუარდის სტილის ნივთი მას ათხოვეს. იმავე ბრენდმა შექმნა პატარძლის საყურეები და ნიშნობის ბეჭედი.
ახალდაქორწინებულთა ქალიშვილებმა წინა ქორწინებიდან მნიშვნელოვანი როლი ითამაშეს ცერემონიაში: 15 წლის სავანამ და 14 წლის ისლამ (პიტერის ქალიშვილი), ასევე 13 წლის ჯორჯინამ (ჰარიეტის ქალიშვილი).სამივე გოგონას შესაბამისი კაბები და ყვავილების გვირგვინები ამშვენებდა.
ღონისძიებას თითქმის მთელი ბრიტანეთის სამეფო ოჯახი ესწრებოდა:მეფე ჩარლზ III, დედოფალი კამილა,ქეით მიდლტონი და პრინცი უილიამი, პრინცესა ანა და სხვები.
პიტერის პირველი ქორწინება ოტმ კელისთან 2008 წლიდან 2021 წლამდე გაგრძელდა.
ჰარიეტთან, შეხვედრები 2024 წლის გაზაფხულზე დაიწყო და წყვილმა ნიშნობა 2025 წლის აგვისტოში გამოაცხადა.
