"ბუნებრივად ვიმშობიარე, გაუტკივარების გარეშე... დედაჩემი და ირაკლი დაესწრნენ მშობიარობას. ქეთო ბუნებრივ კვებაზეა..." - ლიზა ჩიჩუა მესამე მშობიარობაზე კითხვებს პასუხობს - მშობლები
"ბუნებრივად ვიმშობიარე, გაუტკივარების გარეშე... დედაჩემი და ირაკლი დაესწრნენ მშობიარობას. ქეთო ბუნებრივ კვებაზეა..." - ლიზა ჩიჩუა მესამე მშობიარობაზე კითხვებს პასუხობს
3 ივნისს ირაკლი მაქაცარია და ლიზა ჩიჩუა მესამე შვილის მშობლები გახდნენ. წყვილს ასევე ჰყავს უფროსი ვაჟი - 3 წლის გიო, და ერთი წლის ნინა.
ახალდაბადებულ გოგონას, სავარაუდოდ ექიმი ბებიის, ქეთი ასათიანის პატივსაცემად, ქეთო დაარქვეს. ქეთოს დაბადებასაც დაესწრო ირაკლი, როგორც პირველი ორი შვილის და ბლოკიდან გამოსულმა სამშობიაროს ეზოში მიიღო მილოცვები. ასევე ესწრებოდა მშობიარობას ქეთოს ბებო და ლიზას დედა - ქეთი ასათიანი.
ლიზამ გაგუას სამშობიაროში იმშობიარა და სახლში გაწერისა და დამშვიდების შემდეგ, სოციალურ ქსელში გამომწერების შეკითხვებსაც უპასუხა.
ლიზას თქმით, ბუნებრივად იმშობიარა, გაუტკივარების გარეშე. ქეთო უკვე ბუნებრივ კვებაზეა.
რაც შეეხება პატარის სახელს, ქეთი ასათიანსაც არ სცოდნია ეს ამბავი და თუ როგორი რეაქცია ჰქონდა, ამაზე ლიზა პასუხობს:
პატარებმა - გიომ და ნინამ - ოჯახის ახალი წევრი კარგად მიიღეს.
ლიზას თქმით, არ უჭირს დედობის და სწავლის შეთავსება, რადგან გვერდით ირაკლის სახით საუკეთესო ადამიანი ჰყავს. რაც შეეხება სწავლას, უკვე მრავალშვილიანი დედა, სამედიცინო უნივერსიტეტის მე-6 კურსზეა და რეზიდენტურას ოფთალმოლოგიის მიმართულებით აგრძელებს.
ცნობილ წყვილს შორის საკმაოდ დიდი ასაკობრივი სხვაობაა, თუმცა ორივე აღნიშნავს, რომ იდეალური ურთიერთობა აქვთ. ცოტა ხნის წინ "პრაიმ შოუში" ირაკლიმ ამის შესახებ აღნიშნა:
"ჩემსა და ლიზას შორის 17 წელია სხვაობა. მე მიმაჩნია, რომ ყველა ურთიერთობა უნიკალურია. ამ შემთხვევაში ურთიერთობის წარმატება არ არის დამოკიდებული ციფრებზე. გაცილებით მნიშვნელოვანია გრძელვადიანი ურთიერთობის ჩამოსაყალიბებლად და ოჯახის შესანარჩუნებლად, რომ ეს ურთიერთობა იყოს აგებული სიყვარულზე, ურთიერთგაგებაზე, ურთიერთპატივისცემაზე, ვიდრე ის, რომ ჩემს პასპორტში პირობითად ერთი ციფრი წერია და მასთან - სხვა. მე მიმაჩნია, რომ ახლა, ამ ასაკში ემოციურად მომწიფებული ვარ და ნებისმიერ სიტუაციას, რაზეც ლიზას ასაკში შეიძლებოდა სულ სხვა რეაქცია მქონოდა, აფექტური ვყოფილიყავი... მეტი რისკი იქნებოდა, რომ ჩვენ, ერთი ასაკის ადამიანები გაცილებით ხშირად ვნახავდით საკამათო თემებს და მეტი კონფლიქტი შეიძლებოდა ყოფილიყო, ვიდრე ახლა. შეიძლება ეს იმაში ვლინდება, რომ უფრო მეტად დამთმობი ვარ. და არ მიმაჩნია, რომ ეს ცუდია. ცოტა უფრო გლობალურად ვუყურებ ამ ურთიერთობას და ვხვდები, რა არის ჩემთვის მთავარი ფასეულობა, ის რაღაც პატარ-პატარა ემოციური, უმნიშვნელო აფეთქებები აღარ მაქვს... აქედან მინდა ლიზას კიდევ ერთხელ ჩემი სიყვარული დავუდასტურო. ყველაზე მეტად მიყვარს ჩემი მეუღლე და ვარ უბედნიერესი. ჩვენთვის არანაირი მნიშვნელობა არ აქვს ამ 17-წლიან სხვაობას".
