კიმ კარდაშიანისა და კანიე უესტის 13 წლის ქალიშვილმა კვლავ მიიპყრო საზოგადოების ყურადღება - მშობლები

კიმ კარდაშიანისა და კანიე უესტის ქალიშვილი, 13 წლის ნორთი, ბოლო დროს სულ უფრო აქტიურად გამოვიდა ასპარეზზე. ამჯერად პარიზის მამაკაცის მოდის კვირეულის ფარგლებში Vetements-ის ახალი კოლექციის ჩვენებას დაესწრო.

13 წლის მომღერალი, ნორთ უესტი, ჩვენებაზე წინა რიგში რეპერ მოლი სანტანასთან ერთად იჯდა, რომელთანაც მალე ერთობლივ ტურნეს დაიწყებს, და ჯგუფ Tokio Hotel-ის წევრ ბილ კაულიცთან ერთად.

ნორთ უესტი ბიზნესმენ კიმ კარდაშიანისა და რეპერ კანიე უესტის უფროსი შვილია. ისინი 2014 წელს დაქორწინდნენ, ქალიშვილის დაბადებიდან ერთი წლის შემდეგ. წყვილი 2022 წელს დაშორდა. მათ კიდევ სამი შვილი ჰყავთ: ვაჟები სეინტი და ფსალმი და ქალიშვილი ჩიკაგო. განქორწინებიდან მალევე, უესტი ბიანკა ცენსორიზე დაქორწინდა და ამჟამად კარდაშიანი მრბოლელ ლუის ჰამილტონს ხვდება.

• სწორედ ამ უქმეებზე ნორთის მამამ, სკანდალურმა რეპერმა კანიე უესტმა 49-ე დაბადების დღე აღნიშნა. მან და მისმა მეუღლემ, ბიანკა ცენსორიმ, საფრანგეთში, ვერსალის სასახლეში, დაბადების დღის აღსანიშნავად მეჯლისი გამართეს.ბიანკა ბაბუაწვერას კოსტიუმში იყო გამოწყობილია. ფოტოებზე 31 წლის ცენსორი ღრმად ამოჭრილი კორსეტითა და მოსახსნელი, გრძელი ქვედაბოლოთი პოზირებს, სახეს კი ბუმბულიანი თავსაბურავი უფარავს.

იხილეთ ვრცლად ნორთ უესტის გატაცებები და დღევანდელობა:

კიმ კარდაშიანისა და კანიე უესტის ქალიშვილი 13 წლის გახდა - ერთ-ერთ ყველაზე მდიდარი ბავშვის დღეობა შავი ტორტით და ეპატაჟური სტილი

21-ე საუკუნის ერთ-ერთ უდიდეს არტისტად აღიარებული კანიე უესტის ცხოვრება - როგორ იქცა ნიჭიერი ბიჭი კარგი განათლებით, სკანდალურ რეპერად