მონაკოში ცნობილი უკრაინელი ოლიგარქი ცოლ-შვილთან ერთად ააფეთქეს - სამივე დაზარალებული კრიტიკულ მდგომარეობაშია - მშობლები
მონაკოში ცნობილი უკრაინელი ოლიგარქი ცოლ-შვილთან ერთად ააფეთქეს - სამივე დაზარალებული კრიტიკულ მდგომარეობაშია
მონაკოში, რევერან-პერ-ლუი-ფროლას ქუჩაზე მდებარე საცხოვრებელ კორპუსში ძლიერი აფეთქება მოხდა. ფრანგული ტელეარხი Bfmtv იუწყება, რომ აფეთქების მსხვერპლნი არიან უკრაინელი ბიზნესმენი ვადიმ იერმოლაევი, მისი მეუღლე და მათი მოზარდი შვილი. იერმოლაევი და მისი მეუღლე ამჟამად კრიტიკულ მდგომარეობაში არიან.
ბომბის შემცველი პაკეტი ერმოლაევების სახლის შესასვლელთან იდო და აფეთქება მას შემდეგ მოხდა, რაც წყვილი და მათი შვილი შენობაში შევიდნენ. სამთავროს ხელისუფლებამ სათვალთვალო კამერების ჩანაწერების საშუალებით უკვე დაადგინა სავარაუდო დამნაშავე. ცნობილია, რომ ის ფეხით მივიდა ბოზოლეის ფრანგულ კომუნამდე და იქ გაიქცა.
ფრანგული მედია ამჟამად იერმოლაევის და მისი ოჯახის მდგომარეობას შემდეგნაირად აღწერს: „ის სიცოცხლისთვის იბრძვის, მისმა მეუღლემ ორივე ფეხი დაკარგა, ხოლო მოზარდი ვაჟი დაშავდა“.
მონაკოს პოლიციამ ინციდენტს „განზრახ აფეთქება“ უწოდა.
- 53 წლის ბიზნესმენი ვადიმ ერმოლაევი არის Alef Corporation-ის დამფუძნებელი და დნეპროპეტროვსკის ერთ-ერთი უდიდესი დეველოპერი. 2020 წელს Forbes Ukraine-მა ერმოლაევის წმინდა ქონება 230 მილიონ დოლარად შეაფასა.
2019 წელს ერმოლაევმა უარი თქვა უკრაინის მოქალაქეობაზე და მხოლოდ კვიპროსის მოქალაქეობა შეინარჩუნა. მას შემდეგ ერმოლაევი და მისი ოჯახი მონაკოში ცხოვრობენ. 2023 წელს უკრაინამ ბიზნესმენის წინააღმდეგ პირადი სანქციები დააწესა ყირიმში მოქმედი ბიზნესის გამო. ასევე გავრცელდა ხმები, რომ ერმოლაევი დაკავშირებული იყო ე.წ. ქოლცენტრების ბიზნესთან და ბოლო ინციდენტსაც ამას უკავშირებენ.
