10 "სახლური" ლიმონათი გასაგრილებლად - მარტივი ინგრედიენტებით - მშობლები

ზაფხულში ნაყიდი გაზიანი სასმელების ნაცვლად, მარტივად შეგიძლიათ მოამზადოთ ნატურალური, არომატული და გამაგრილებელი "სახლური" ლიმონათები. თითქმის ყველა ინგრედიენტი საქართველოში თავისუფლად იშოვება. სანამ მომზადებას დაიწყებთ, ეს რცევები გაითვალისწინეთ:

• უფრო ცოცხალი გემოსთვის ჩვეულებრივი წყლის ნაცვლად გამოიყენეთ გაზიანი წყალი.
• თეთრი შაქრის ნაცვლად შეგიძლიათ გამოიყენოთ თაფლი, ყავისფერი შაქარი ან სტევია.
• სასმელები მირთმევამდე 1–2 საათით მაცივარში გააციეთ.
• დეკორისთვის დაამატეთ ლიმონის, ლაიმის ან ფორთოხლის თხელი ნაჭრები, პიტნის ფოთლები და ბევრი ყინული — ასე ლიმონათები უფრო არომატული და ეფექტური გამოვა.

1. კლასიკური ლიმონის ლიმონათი

ინგრედიენტები:

• 2 ლიმონი
• 1 ლიტრი ცივი წყალი (ან გაზიანი)
• 2–3 ს/კ თაფლი ან შაქარი
• პიტნის ფოთლები
• ყინული

მომზადება: ლიმონის წვენი შეურიეთ წყალს, დაამატეთ დამატკბობელი, პიტნა და ბევრი ყინული.

2. ალუბლის ლიმონათი

ინგრედიენტები:

• 250 გ ალუბალი
• 1 ლიმონი
• 1 ლიტრი წყალი
• 2–3 ს/კ თაფლი
• ყინული

მომზადება: ალუბალი დააბლენდერეთ, გადაწურეთ, შეურიეთ ლიმონის წვენსა და წყალს.

3. მარწყვის ლიმონათი

ინგრედიენტები:

• 250 გ მარწყვი
• 1 ლიმონი
• 1 ლიტრი ცივი წყალი
• თაფლი ან შაქარი
• პიტნა

მომზადება: მარწყვი დააბლენდერეთ, შეურიეთ დანარჩენ ინგრედიენტებს და გააციეთ.

4. ატმისა და ბაზილიკის ლიმონათი

ინგრედიენტები:

• 2 მწიფე ატამი
• 1 ლიმონი
• რამდენიმე ფოთოლი რეჰანი ან ბაზილიკი
• 1 ლიტრი წყალი

მომზადება: ატამი დააბლენდერეთ, შეურიეთ ლიმონის წვენსა და წყალს, ბოლოს დაამატეთ ბაზილიკი.

5. საზამთროს გამაგრილებელი სასმელი

ინგრედიენტები:

• 500 გ საზამთრო
• 1 ლაიმი ან ლიმონი
• პიტნა
• ყინული

მომზადება: საზამთრო დააბლენდერეთ, დაუმატეთ ლიმონის წვენი და პიტნა.

6. ნესვის ლიმონათი

ინგრედიენტები:

• 400 გ ნესვი
• ნახევარი ლიმონი
• 700 მლ ცივი წყალი
• თაფლი

მომზადება: ყველაფერი დააბლენდერეთ და ყინულთან ერთად მიირთვით.

7. მაყვლის ლიმონათი

ინგრედიენტები:

• 200 გ მაყვალი
• 1 ლიმონი
• 1 ლიტრი წყალი
• თაფლი

მომზადება: მაყვალი დააბლენდერეთ, გადაწურეთ და შეურიეთ დანარჩენ ინგრედიენტებს.

8. ჟოლოსა და პიტნის ლიმონათი

ინგრედიენტები:

• 200 გ ჟოლო
• 1 ლიმონი
• პიტნა
• 1 ლიტრი წყალი

მომზადება: ჟოლო დააბლენდერეთ, შეურიეთ ლიმონის წვენსა და წყალს, ბოლოს დაამატეთ პიტნა.

9. ვაშლისა და დარიჩინის ცივი სასმელი

ინგრედიენტები:

• 2 ვაშლი
• ნახევარი ლიმონი
• 1 ლიტრი წყალი
• დარიჩინის პატარა ჩხირი

მომზადება: ვაშლი გახეხეთ ან დააბლენდერეთ, დაუმატეთ ლიმონი და წყალი. დარიჩინი 20–30 წუთით ჩაალბეთ და შემდეგ ამოიღეთ.

10. ყურძნისა და ლაიმის ლიმონათი

ინგრედიენტები:

• 300 გ თეთრი ან შავი ყურძენი
• 1 ლაიმი (ან ლიმონი)
• 700–800 მლ ცივი წყალი
• პიტნა
• ყინული

მომზადება: ყურძენი დააბლენდერეთ, გადაწურეთ, შეურიეთ ლაიმის წვენს, წყალსა და პიტნას.