"ნიკოლოზის დიდი და კეთილი თვალები ყოველთვის დარჩება ჩვენს გულებში... ახალგაზრდა ადამიანი, რომლის ცხოვრება, შესაძლებლობები და მომავალი ასე მოულოდნელად და ტრაგიკულად შეწყდა" - რას წერს სკოლა, რომელიც ნიკოლოზ ღუნაშვილმა დაამთავრა - მშობლები
"ნიკოლოზის დიდი და კეთილი თვალები ყოველთვის დარჩება ჩვენს გულებში... ახალგაზრდა, რომლის ცხოვრება, შესაძლებლობები და მომავალი ასე ტრაგიკულად შეწყდა" - რას წერს სკოლა, რომელიც ნიკოლოზ ღუნაშვილმა დაამთავრა
სკოლა IB მთიები ვერაზე მოკლული ნიკოლოზ ღუნაშვილის შესახებ წერს:
"ზოგჯერ სიტყვები არ გამოხატავენ იმ ტკივილს, რომელსაც ადამიანის გული განიცდის.
ნიკოლოზ ღუნაშვილი ჩვენი სკოლის ოჯახის ნაწილია — ახალგაზრდა ადამიანი, რომლის ცხოვრება, შესაძლებლობები და მომავალი ასე მოულოდნელად და ტრაგიკულად შეწყდა. ადამიანის სიცოცხლის ძალადობრივი დაკარგვა უდიდესი ტკივილია და კიდევ ერთხელ გვახსენებს, რამდენად ძვირფასია სიცოცხლე და რამდენად მიუღებელია ნებისმიერი ფორმის ძალადობა.
ამ მძიმე წუთებში ჩვენი ფიქრები ნიკოლოზის ოჯახთან, მეგობრებთან, თანაკლასელებთან და ყველა იმ ადამიანთან არის, ვისთვისაც ის საყვარელი და მნიშვნელოვანი იყო.
ნიკოლოზის დიდი და კეთილი თვალები ყოველთვის დარჩება IB მთიების ისტორიასა და ჩვენი საზოგადოების გულებში".
