ცნობილი თურქი მომღერლის გარდაცვალების სკანდალური საქმე დასასრულს უახლოვდება - მთავარი ბრალდებული მისი ქალიშვილია, მოტივი - მემკვიდრეობა - მშობლები

საქმეში გამოჩნდა რამდენიმე მნიშვნელოვანი გარემოება გამოიკვეთა:

შემთხვევის დროს სახლში იმყოფებოდნენ თავად გიულუ, მისი ქალიშვილი და ქალიშვილის მეგობარი სულთან ნურ ულუ. მან თავდაპირველად თქვა, რომ ქალი მართლაც გადავარდა, მაგრამ მოგვიანებით ჩვენება შეცვალა და განაცხადა, რომ ტუგიანმა დედას ხელი მოჰკიდა და ფანჯრიდან გადააგდო.

მოგვიანებით გამოძიებამ აღმოაჩინა შეტყობინებები, რომლებშიც ტუგიანი დედაზე ძალიან აგრესიული ფორმით საუბრობდა და მისი სიკვდილის სურვილს გამოთქვამდა. საქმეში მოყვანილია ისეთი ფრაზები, როგორიცაა „ეს ქალი მოკვდეს“ და „მომბეზრდა დედაჩემი“. საქმეში არის აუდიო/კამერის ჩანაწერების ექსპერტიზაც. პროკურატურის ვერსიით, გადმოვარდნამდე ისმის ახალგაზრდა ქალის ხმა, რომელიც ამბობს დაახლოებით ასე: „აბა, ნახვამდის“, და პროკურატურა მიიჩნევს, რომ ეს ტუგიანუს ხმაა.

პროკურატურის ვერსიით, სწორედ ამის შემდეგ, ტუგიანმა დედას წელქვემოთ ხელი მოკიდა, ფეხებში წაავლო და ფანჯრიდან გადააგდო.

ასევე გამოძიებამ შეისწავლა ტელეფონიდან შეტყობინებების წაშლისა და ტელეფონის განულების მცდელობები და ესეც საქმის დამადასტურებელ გარემოებად მიიჩნია.

• საქმეში ფიგურირებს Güllü-ს საყვარელი სიმღერა „Malkata“. პროკურატურის შეფასებით, ეს სიმღერა სპეციალურად ჩართო მისმა ქალიშვილმა, რათა ქალი მის ოთახში შესულიყო. იგი მართლაც მივიდა, მუსიკაზე აცეკვდა და სწორედ მაშინ მოხდა ტრაგედია. გამოძიება ამ გარემოებასაც შესაძლო წინასწარ დაგეგმვის ნაწილად მიიჩნევს.

მოტივი

როგორც აღინიშნა, 2026 წლის აგვისტოში პროკურატურამ გამოძიება დაასრულა. ტუგიანსბრალად ედება დედის წინასწარ დაგეგმილი მკვლელობა და პროკურატურა მისთვის უვადო პატიმრობას ითხოვს. მისი მეგობარი კი ცალკე საქმეში ცრუ ჩვენების მიცემაში არის ბრალდებული და მას 2-4 წლამდე პატიმრობა ელის.

გამოძიებაში გამოიკვეთა, რომ გიულუსა და მის ქალიშვილს შორის ფულსა და ოქროზე ხშირად იყო კონფლიქტი. ამის შესახებ გამოძიებას ჩვენება მისცა ტუგიანის ყოფილმა საქმრომ, კერვან ემინოღლუმ. მისი თქმით, დედა-შვილი სწორედ ფულისა და ოქროს გამო კამათობდა ხოლმე და ტუგიანს დედისთვის მუქარის შემცველი შეტყობინებებიც ჰქონდა გაგზავნილი.

კიდევ უფრო საყურადღებო გახდა მემკვიდრეობის საკითხი. Güllü-ს და-ძმებმა გამოძიებას მიმართეს და განაცხადეს, რომ მკვლელობის შესაძლო მოტივი სწორედ მემკვიდრეობა იყო. მათ ასევე მიუთითეს, რომ მომღერლის გარდაცვალებიდან სულ ოთხი დღის შემდეგ, მისმა შვილებმა საპენსიო დანაზოგის თანხა გამოიტანეს და სიცოცხლის დაზღვევის თანხის მისაღებადაც მიმართეს სათანადო უწყებას. ეს გარემოებები თურქულ მედიაში საკმაოდ ფართოდ გაშუქდა.

არსებობს მონაცემები, რომ ტუგიანს იმ პერიოდში ფინანსური პრობლემები ჰქონდა, ვალებიც. სწორედ ამიტომ პროკურატურა ცდილობს დაადგინოს, იყო თუ არა ფინანსური სარგებელი მკვლელობის მოტივი.

თავად ტუგიანიამ ყველაფერს უარყოფს და ამბობს, რომ დედა არ მოუკლავს. საბოლოო პასუხი სასამართლოზეა.

• და კიდევ ერთი ფაქტი: გიულუს ორი შვილი დარჩა - ქალიშვილი და ვაჟი ტუგბერკი. მკვლეობის დაგეგმვასა და განხორციელებაში ძმა არსად არ იკვეთება, პირიქით, მან თავად მიმართა პროკურატურას დაზარალებულის სტატუსით და მოითხოვა დედის მკვლელობის ობიექტურად გამოძიება. თუმცა აქ ერთი საინტერესო დეტალია - გარდაცვლილი მომღერლის და-ძმების თქმით, რომელთაც ორივე შვილის წინააღმდეგ შეიტანეს საჩივარი, მკვლელობა მემკვიდრეობის გამო მოხდა და ორივე შვილი აპირებდა ამაზე "ხელის მოთბობას". საპენსიო თანხის გამოსატანადაც და-ძმა ერთად იყო მისული, მკვლელობიდან ოთხ დღეში...