ვრცელდება თუ არა სტუდენტური ბარათის შეღავათები პროფესიული სასწავლებლების სტუდენტებზე - დეტალები - მშობლები

საქართველოში აკრედიტებულ პროფესიულ კოლეჯში ჩარიცხულ სტუდენტს შეუძლია Student Card-ის აღება და, აქტიური სტუდენტის სტატუსის შემთხვევაში, სტუდენტური სატრანსპორტო შეღავათით სარგებლობა. საქართველოს ბანკი თავის მოქმედ პირობებში პირდაპირ უთითებს, რომ Student Card-ის შეკვეთა ნებისმიერი ასაკის სტუდენტს შეუძლია, თუ ის საქართველოში აკრედიტებულ უნივერსიტეტში ან პროფესიულ კოლეჯში ირიცხება. ასეთ შემთხვევაში სტუდენტს სატრანსპორტო შეღავათიც ეკუთვნის.

ეს ნიშნავს, რომ მხოლოდ უნივერსიტეტში სწავლა არ არის საჭირო იმისთვის, რომ ახალგაზრდამ სტუდენტური ბარათითა და მასთან დაკავშირებული შეღავათებით ისარგებლოს.

ამასთან, ბარათის აღება 18-დან 23 წლის ჩათვლით ახალგაზრდას სტუდენტის სტატუსის გარეშეც შეუძლია. თუმცა, ასეთ შემთხვევაში მასზე სტუდენტური სატრანსპორტო შეღავათი არ ვრცელდება. როგორც კი პირი სტუდენტის სტატუსის მქონე ხდება, სატრანსპორტო შეღავათით სარგებლობაც შეუძლია.

ბარათის აღება შეუძლიათ, 17 წლის ახალგაზრდებსაც, რომლებსაც სტუდენტის სტატუსი აქვთ.

რა შემთხვევაში სარგებლობს პროფესიული სასწავლებლის სტუდენტი ტრანსპორტზე შეღავათით?

პროფესიული სასწავლებლის სტუდენტს Student Card-ის აღება შეუძლია, მაგრამ სატრანსპორტო შეღავათი სტუდენტის სტატუსს უკავშირდება. როგორც კი მას სტუდენტის სტატუსი გაუაქტიურდება, სატრანსპორტო და სხვა შეღავათებით სარგებლობის შესაძლებლობა მიეცემა.

რამდენს გადაიხდის პროფესიული სასწავლებლის სტუდენტი ტრანსპორტში?

ტარიფი ქალაქების მიხედვით განსხვავდება. როგორც უმაღლესი, ისე პროფესიული სასწავლებლების სტუდენტებისათვის შემდეგი სატრანსპორტო შეღავათებია დადგენილი:

თბილისი - 20 თეთრი:საქართველოს ბანკის Student Card-ის შეთავაზებებში თბილისში სტუდენტური შეღავათით მგზავრობის საფასურად 20 თეთრია მითითებული. ეს შეღავათი მოქმედებს მეტროთი, ავტობუსითა და ლურჯი მიკროავტობუსით მგზავრობისას.

რუსთავი - 20 თეთრი: რუსთავში Student Card-ით სტუდენტური ტარიფი 20 თეთრია.

ბათუმი - 15 თეთრი:ბათუმში პროფესიული სასწავლებლის სტუდენტისთვის შეღავათიანი მგზავრობის საფასური 15 თეთრია.

ზუგდიდი - 50%-იანი შეღავათი:საქართველოს ბანკის Student Card-ის ოფიციალურ ინფორმაციაში ზუგდიდისთვის სტუდენტური სატრანსპორტო შეღავათი 50% იანი ფასდაკლების სახითაა მითითებული.

ქუთაისი - 50%-იანი შეღავათი:ქუთაისში 2026 წლის 1 სექტემბრიდან მოქმედი უმაღლესი და პროფესიული სასწავლებლების სტუდენტები მუნიციპალურ ტრანსპორტზე 50%-იანი შეღავათით სარგებლობენ.

Student Card პროფესიული სასწავლებლის სტუდენტისთვის მხოლოდ სატრანსპორტო შეღავათებს არ ნიშნავს

პროფესიული სასწავლებლის სტუდენტის შემთხვევაში ბარათის უპირატესობები მხოლოდ საზოგადოებრივ ტრანსპორტზე შეღავათით არ შემოიფარგლება.

საქართველოს ბანკის Student Card-ის მოქმედ პირობებში ბარათის მფლობელებისთვის გათვალისწინებულია სხვადასხვა შეთავაზება, მათ შორის ჯანდაცვის მიმართულებით, PLUS ქულების დაგროვება და პარტნიორი კომპანიების პერიოდული ფასდაკლებები.

PLUS ქულები

Student Card-ით გადახდისას ყოველ დახარჯულ 1 ლარზე 2 PLUS ქულა გროვდება. საქართველოს ბანკის 2026 წლის ინფორმაციაშიც ეს უპირატესობა მოქმედ პირობადაა მითითებული. დაგროვილი ქულების გამოყენება შესაძლებელია ბანკის პარტნიორ ობიექტებში და სხვა შესაბამის სერვისებში.

ჯანდაცვის შეთავაზებები

Student Card-ის მფლობელებისთვის მოქმედებს ჯანდაცვის მიმართულების სხვადასხვა შეღავათი - მათ შორის სამედიცინო, სტომატოლოგიური და სააფთიაქო სერვისებთან დაკავშირებული პირობები.

სტუდენტური შეთავაზებები

Student Card-ის მფლობელებისთვის ბანკი სხვადასხვა პარტნიორ კომპანიასთან პერიოდულად ახალ შეთავაზებებს აქვეყნებს. მათი პირობები და ვადა შეიძლება, შეიცვალოს, ამიტომ კონკრეტული ფასდაკლების ან ქეშბექის გამოყენებამდე მიმდინარე შეთავაზების გადამოწმებაა საჭირო.

დამატებითი ინფორმაციისათვის მიმართეთ საქართველოს ბანკს.

თამარ იაკობაშვილი

როდის გამოქვეყნდება ახალი ცნობარი მეორადი ჩარიცხვებისთვის და როდემდე ექნებათ აბიტურიენტებს არჩევანის შესაძლებლობა - დეტალები