ბრედ პიტის შვილებმა არა მხოლოდ გვარები, ტელეფონის ნომრებიც გამოცვალეს, რომ მამასთან სრულიად გაწყვიტონ კონტაქტი - მშობლები
ბრედ პიტის შვილებმა არა მხოლოდ გვარები, ტელეფონის ნომრებიც გამოცვალეს, რომ მამასთან სრულიად გაწყვიტონ კონტაქტი
ბრედ პიტისა და ანჯელინა ჯოლის შვილებმა მამასთან პირდაპირი კონტაქტი გაწყვიტეს მობილური ტელეფონის ნომრების შეცვლით. მსახიობთან დაახლოებულმა პირებმა Daily Mail-ს დაუდასტურეს ეს გადაწყვეტილება, რომელიც მსახიობის მემკვიდრეებმა ჯოლისთან მისი ხანგრძლივი კონფლიქტის ფონზე მიიღეს.
როგორც ამბობენ, პიტის ექვსივე შვილმა ეს ნაბიჯი გადადგა: 25 წლის მედოქსმა, 22 წლის პაქსმა, 21 წლის ზაჰარამ, 20 წლის შაილომ და 18 წლის ტყუპმა ნოქსმა და ვივიენმა. „ბრედმა წარსულშიც სცადა ბავშვებთან დაკავშირება, მიუხედავად იმისა, რომ დარწმუნებული იყო, ენჯი შეწყვეტდა კომუნიკაციის ნებისმიერ მცდელობას. თუმცა, საბოლოოდ აღმოაჩინა, რომ ყველამ შეცვალა საკონტაქტო ინფორმაცია“, - ციტირებს გამოცემა ერთ-ერთ წყაროს.
პიტთან დაახლოებული წყაროები აღნიშნავენ, რომ ინციდენტი მისთვის კიდევ ერთი მძიმე დარტყმა იყო. „მისთვის ეს ძალიან დიდი დარტყმაა“, - ნათქვამია სტატიაში.
ბრედ პიტის ურთიერთობა შვილებთან გაუარესდა 2016 წელს კერძო თვითმფრინავში მომხდარი საკამათო ინციდენტის შემდეგ, რამაც წყვილის 12-წლიანი ქორწინების შემდეგ განქორწინება გამოიწვია. ჯოლიმ ქმარი მასზე და მათ შვილებზე ნასვამ მდგომარეობაში ძალადობაში დაადანაშაულა. წყვილის დაშორების შემდეგ, მათმა შვილებმა მსახიობისგან დისტანცირება დაიწყეს. მედოქსმა, ზაჰარამ, შაილომ და ვივიენმა უკვე გადადგეს ოფიციალური ნაბიჯები მამის გვარზე უარის თქმის მიზნით და ის დოკუმენტებიდან მთლიანად ამოიღეს.
