რიანასა და A$AP Rocky-ს 3 წლის ვაჟი ჟურნალის გარეკანზე გამოჩნდა, ბრილიანტების კოლექციით და მდიდრული სამოსით - მშობლები
რიანასა და A$AP Rocky-ს 3 წლის ვაჟი ჟურნალის გარეკანზე გამოჩნდა, ბრილიანტების კოლექციით და მდიდრული სამოსით
რიანასა და A$AP Rocky-ს (ნამდვილი სახელი რაკიმ მაიერსი) შუათანა ვაჟის დებიუტი ჟურნალ Arena Homme+-ის გარეკანზე შედგა. სამი წლის რიოტი 2027 წლის ზამთარი/გაზაფხულის ნომრის ექვს ლუქშია წარმოდგენილი, რომლის ფოტოც ოლივერ ჰედლი პირჩმა გადაიღო.
ბიჭმა რამდენიმე მდიდრული ლუქი მოირგო: Chanel-ის ტვიდის ქურთუკი, Chopard-ის ბრილიანტისა და ლალის ყელსაბამი, ნაქარგი ჯინსის ნაკრები და მუქი ლურჯი პალტო თეთრი ტურნეკითა და ბერეტით. ერთ-ერთ ფოტოზე რიოტი ასევე პოზირებს ვერცხლისფერ Louis Vuitton-ის ჩემოდანზე. რიანა ასევე მონაწილეობდა ფოტოსესიაში: ერთ-ერთ კადრში 38 წლის მომღერალი სიმბოლურ სამოსშია გამოსახული.
აღსანიშნავია, რომ პატარა ასაკის მიუხედავად, რიოტს უკვე აქვს სამოდელო გამოცდილება. 2024 წელს მან მამასთან და უფროს ძმასთან, რიზასთან ერთად Bottega Veneta-ს „მამობის პორტრეტების“ კამპანიაში მიიღო მონაწილეობა, ხოლო მოგვიანებით დედასთან ერთად Savage X Fenty-ის სადღესასწაულო რეკლამაში. გასულ შემოდგომაზე ბიჭი კვლავ გამოჩნდა ბრენდის კამპანიაში, ამჯერად ძმასთან და უმცროს დასთან, როკი აირიშთან ერთად.
ამრიგად, ცნობილი წყვილის სამივე შვილი უკვე გამოჩნდა მოდის წამყვანი გამოცემების გარეკანებზე: RZA (ახლა ოთხი წლის) მშობლებთან ერთად პოზირებდა ბრიტანული Vogue-სთვის 2023 წლის დასაწყისში, ხოლო ერთი წლის Rocky Irish-მა თავისი ბრწყინვალე დებიუტი 2026 წელს W Magazine-ის გვერდებზე შეასრულა.
შეგახსენებთ, რომ რიანა და 37 წლის რეპერი A$AP Rocky დაახლოებით ხუთი წელია ერთად არიან. ვრცელდება ჭორები, რომ წყვილი უკვე დაქორწინებულია, მაგრამ ამის გასაჯაროება არ სურთ.
რიანა ცნობილია თავისი ჩაცმულობის სტილით, თუმცა განსაკუთრებით, საორსულე ლუქებით და ერთ-ერთი პირველია ცნობილ ადამიანებს შორის, რომელმაც მუცელი საჯაროდ გამოაჩინა ორსულობის დროს და ეს მდგომარეობა შთაგონების წყაროდ აქცია სხვადასხვა შთამბეჭდავი ლუქისთვის.
