ცნობილი ქართველი მოდელების ქალიშვილები, რომელთა უმრავლესობა დედის გზას აგრძელებს (ფოტოგალერეა) - მშობლები

ცოტა ხნის წინ ვწერდით სინდი კროუფორდის მშვენიერ ქალიშვილზე, რომელიც არა მარტო ძალიან ჰგავს დედას, არამედ წარმატებით აგრძელებს მის გზას და ცნობილი მოდელი და უკვე - მსახიობიცაა.

თვალი გადავავლოთ ცნობილი ქართველი მოდელების ქალიშვილებს, რომელთაგან ზოგი წარმატებით გაჰყვა ასევე დედის გზას.

ერთ-ერთი ცნობილი მოდელი, რომლის 4 შვილიდან ორი - ქალიშვილები, მის გზას წარმატებით გაჰყვნენ, მოდელი და სამოდელო სააგენტოს ხელმძღვანელი ნინო ცქიტიშვილია. ნინო ჯერ თავად იყო წარმატებული მოდელი და ახლაც არაჩვეულებრივ ფორმაშია.

ნინოს 4 შვილი ჰყავს კალათბურთელ ვატო ნაცვლიშვილთან ქორწინებიდან - ორი ვაჟი და ორი ქალიშვილი.

მისი უფროსი ქალიშვილი, თაკო ნაცვლიშვილი, ბოლო დროის ერთ-ერთი ყველაზე წარმატებული ქართველი მოდელია, რომელმაც საერთაშორისო აღიარებაც მოიპოვა.

ასევე მოდელობს აქტიურად მეორე ქალიშვილი - ანა.

სამოდელო სფეროში ჩაერთნენ და დედის გზა გააგრძელეს კიდევ ერთი ცნობილი მოდელის - ლიკა კვარაცხელია ქალიშვილებმა ელენე და ანა შელიებმა. ანა და ელენე წარმატებული მოდელები არიან.

კიდევ ერთი წარმატებული ქართველი მოდელი სალომე ღვინიაშვილია, რომელიც ასევე მრავალშვილიანი დედაა. მას უფროსი ვაჟი ჰყავს პირველი ქორწინებიდან, ზურა ხიზანიშვილთან ქორწინებაში კი ქალიშვილები - ნიტა და ტასო შეეძინა. რომელთაც რამდენიმე წლის წინ ჰქონდათ სამოდელო გამოცდილება. თუმცა ბოლო დროს გოგონები ძირითადად სწავლით არიან დაკავებული და ჯერჯერობით სამოდელო საქმიანობაზე სერიოზულად არ ფიქრობენ.

გასული წლების კიდევ ერთი ცნობილი და წარმატებული მოდელი, რომელიც ახლაც მოთხოვნადი და აქტიური მოდელია, კრისტი ყიფშიძეა. კრისტის ერთადერთმა ქალიშვილმა - ნატალიამ, უფრო მამისა და ბაბუის გზა აირჩია და კინოსამყაროშია აქტიური, თუმცა დედასთან ერთად ხშირად პოზირებს სხვადასხვა ფოტოსესიისთვის.

კიდევ ერთი მშვენიერი მოდელი, რუსა ჩაჩუა ასევე მრავალშვილიანი დედაა. მისი შვილებიდან ქალიშვილი ნადინკა სახვაძე სულ უფრო ხშირად ჩნდება დედასთან ერთად ფოტოსესიებში და შესაძლოა, მანაც სცადოს თავი მოდელის ამპლუაში.

კიდევ ერთი ცნობილი ფოტომოდელის, შორენა ბეგაშვილის ქალიშვილი აგრძელებს დედის გზას. ევა ძირითადად ინფლუენსერია, თუმცა პერიოდულად მონაწილეობს საინტერესო ფოტოსესიებში.