აბიტურიენტთა ცნობარი განახლდა - ცვლილებების შესახებ ინფორმაციას შეფასებისა და გამოცდების ეროვნული ცენტრი აქვეყნებს - მშობლები

შეფასებისა და გამოცდების ეროვნულმა ცენტრმა აბიტურიენტებისთვის 2026 წლის ცნობარის განახლებული, საბოლოო ვერსია გამოაქვეყნა.

კერძოდ, უმაღლესი განათლების რეფორმის ფარგლებში განხორციელებული ცვლილებების შედეგად, 2026-2027 სასწავლო წლიდან რიგი მიმართულების საბაკალავრო საგანმანათლებლო პროგრამებს საქართველოს ტექნიკური უნივერსიტეტის ნაცვლად სოხუმის სახელმწიფო უნივერსიტეტი განახორციელებს.

• აგროინჟინერია - 0120120
• სასურსათო ტექნოლოგია - 0120123
• გარემოსდაცვითი ინჟინერია - 0120121
• აგრარული ტექნოლოგიები - 0120125
• სატყეო საქმე - 0120119
• მეცხოველეობა - 0120127
• ნიადაგისა და წყლის რესურსების ინჟინერია - 0120122
• აგრონომია - 0120126
• ⁠სურსათის მეცნიერება და ტექნოლოგია - 0120124
• მევენახეობა და ენოლოგია - 0120118
• ვეტერინარია - 0120130

• პროგრამული უზრუნველყოფის ინჟინერია - დრონის ტექნოლოგიები და აგროსისტემები - 0120128

• უნივერსიტეტის აფხაზური ფილოლოგიის საბაკალავრო საგანმანათლებლო პროგრამის სახელწოდება შესაბამისობაში იქნა მოყვანილი აკრედიტაციით განსაზღვრულ სახელწოდებასთან და ჩამოყალიბდა შემდეგი სახით:

⁠„ქართული და აფხაზური ენა და ლიტერატურა“ - 0120129

სამცხე-ჯავახეთის სახელმწიფო უნივერსიტეტს ახალციხისა და ახალქალაქის ფილიალებში დაემატა ტურიზმის საბაკალავრო საგანმანათლებლო პროგრამა:

• ⁠0140117
• 0140118

ცენტრი აბიტურიენტებს მოუწოდებს, საგანმანათლებლო პროგრამების არჩევისას იხელმძღვანელონ ცნობარის ბოლო ვერსიაში ასახული ოფიციალური ინფორმაციით და გაითვალისწინონ პროგრამებთან დაკავშირებული განახლებები.