საქართველოში მცხოვრებ დიუშენის კუნთოვანი დისტროფიის მქონე ადამიანებს, რომლებიც მართვით სუნქვაზე არიან ან აქვთ თანმხლები მძიმე გენეტიკური დაავადება, ერთჯერადად ჩაერიცხებათ 10 000 ლარი... - "ჩვენ ვაგრძელებთ 24 საათიან აქციას" - მშობლები
საქართველოში მცხოვრებ საქართველოს მოქალაქეებს, რომლებსაც აქვთ დიუშენის კუნთოვანი დისტროფია და იმყოფებიან მართვით სუნქვაზე ან აქვთ თანმხლები მძიმე გენეტიკური დაავადება ერთჯერადად ჩაერიცხებათ 10 000-10 000 ლარი... - "ჩვენ ვაგრძელებთ 24-საათიან აქციას"
ორგანიზაცია "ერთად ვებრძოლოთ დიუშენის კუნთოვან დისტროფიას" გადაწყვეტილებით, იმ თანხის განაწილება იწყება, რაც ხალხის მიერ შეგროვდა. 10 ივნისამდე, საქართველოში მცხოვრებ პაციენტებს, რომლებსაც აქვთ დიუშენის კუნთოვანი დისტროფია და იმყოფებიან მართვით სუნქვაზე, ან აქვთ თანმხლები მძიმე გენეტიკური დაავადება, ერთჯერადად ჩაერიცხებათ 10 000 - 10 000 ლარი. ივნისიდან ორგანიზაცია ასევე იწყებს დიუშენით დაავადებული ბავშვების მხარდამჭერი საშუალებების, პაციენტებზე მორგებული ეტლების, საწოლების, სასუნთქი აპარატებისა და ადაპტირებული ტრანსპორტის შეძენას.
ორგანიზაცია - ერთად ვებრძოლოთ დიუშენის კუნთოვან დისტროფიას - განცხადებას ავრცელებს:
"ორგანიზაცია "ერთად ვებრძოლოთ დიუშენის კუნთოვან დისტროფიას" გადაწყვეტილებით მიმდინარე წლის 10 ივნისამდე
საქართველოში მცხოვრებ საქართველოს მოქალაქეებს, რომლებსაც აქვთ დიუშენის კუნთოვანი დისტროფია და იმყოფებიან მართვით სუნქვაზე ან აქვთ თანმხლები მძიმე გენეტიკური დაავადება ერთჯერადად ჩაერიცხებათ 10 000 - 10 000 ლარი.
ივნისის თვეში ორგანიზაცია იწყებს დიუშენით დაავადებული ბავშვების მხარდამჭერი საშუალებების, მათ შორის, პაციენტებზე მორგებული ეტლების, საწოლების, სასუნთქი აპარატების ადაპტირებული ტრანსპორტის შეძენას. საქართველოში მცხოვრებ დიუშენი დაავადებულ ყველა პაციენტს რომელსაც აქვთ ეს საჭიროებები მოვუწოდებთ, რომ მომართონ ჩვენს ორგანიზაციას.
გვსურს მადლობა კიდევ ერთხელ გადაგიხადოთ თანხების ყველა შემომწირველს. თქვენი მხარდაჭერით ჩვენ შევძლებთ რომ შევამსუბუქოთ ჩვენი ბავშვების მდგომარეობა და გავახანგრძლივოთ მათი სიცოცხლე.
Სახელმწიფოს მიმართ ჩვენი მთავარი მოთხოვნა არის უცვლელი: ვითხოვთ დიუშენის სამკურნალო თანამედროვე მედიკამენტების შემოტანას. ამასთან ყოველი დაგვიანებული დღე უკან გადადგმული ნაბიჯი და დანაშაულის ტოლფასია.
შეგახსენებთ, რომ სახელმწიფო ბიუჯეტიდან დიუშენის სამკურნალო წამლების დაფინანსების მოთხოვნით ვაგროვებთ ხელმოწერებს როგორც ფიზიკური ასევე ელექტრონული ფორმით.
ვისაც გსურთ, რომ დაგვეხმაროთ ფიზიკური ხელმოწერების შეგროვებაში, შეგიძლიათ ამობეჭდოთ ფორმა https://shorturl.at/clLuD შეავსებინოთ საქართველოს მოქალაქეებს და გადმოგვიგზავნოთ ამავე ფორმაში მითითებულ ელექტრონულ მისამართზე ან მოგვიტანოთ კანცელარიის წინ.
ელექტრონული ფორმით პეტიციაზე შემოერთება შესაძლებელია ლინკზე:
ჩვენ ვაგრძელებთ 24-საათიან აქციას სახელმწიფო კანცელარიის წინ, ასევე მოგიწოდებთ რომ დღეს საღამოს 6 საათზე რუსთაველის მეტროსთან შემოგვიერთდეთ დიუშენის ყოველკვირეულ მარშზე. Ერთად გადავარჩინოთ ბავშვების სიცოცხლე!"
